У развіццё дыялогу

Пасол Беларусі ў Польшчы Павел Латушка ў сувязі з заканчэннем дыпламатычнай місіі правёў сустрэчу з Першым намеснікам Міністра замежных спраў Польшчы Янам Баркоўскім.

На сустрэчы абмеркаваны пытанні далейшага развіцця двухбаковых беларуска-польскіх адносін, а таксама адносін Беларусі з Еўрасаюзам. Акцэнт зроблены на візавай праблематыцы, абмеркавана тэматыка гандлёва-эканамічнага і культурнага супрацоўніцтва, развіцця дагаворна-прававой базы, а таксама шэраг іншых пытанняў двухбаковых адносін.

Прэс-служба Пасольства Беларусі ў Польшчы