Творчыя калектывы Гродзеншчыны выступілі са справаздачным канцэртам у Палацы Рэспублікі.40 лепшых калектываў удзельнічалі ў канцэрце, прысвечаным 65-годдзю вызвалення Беларусі ад нямецка-фашысцкіх захопнікаў.
А ўсяго ў канцэртнай праграме “Мой край Прынёманскi — маё спрадвечнае каханне” выступіла амаль паўтары тысячы артыстаў. У Палацы Рэспублікі была адкрыта і выстава сучаснага мастацтва і вырабаў народных майстроў “Нaтхненне i майстэрства творцаў Пaнямоння”. На выставе — звыш 200 работ мастакоў, графікаў, скульптараў Гродзеншчыны.
Гэта — і арыгінальныя вырабы з саломкі, лазы, бісера, лепшыя ўзоры ткацтва, гафту (мастацкай вышыўкі), выцінанкі, ганчарнага і бандарнага мастацтва, вырабаў з дрэва і скуры. Дэмастраваліся і вырабы майстраў вядомага шклозавода “Нёман”.
Таццяна Вішнеўская
