Выдавецтва “Вышэйшая школа” пачынае масавы выпуск электронных выданняў.
Дырэктар выдавецтва Аляксандр Нячай адзначае, што яшчэ летась было выпушчана 13 назваў электронных выданняў — дапаможнікі па замежных мовах. Сёлета падрыхтаваны мультымедыйны дадатак да практыкума па эстэтыцы. А хутка будзе набыта новае абсталяванне для тыражавання дыскаў. Увогуле плануецца выпускаць электронныя дадаткі да гукавых дапаможнікаў, навучальных і метадычных матэрыялаў па замежных мовах, самастойныя мультымедыйныя выданні.
У “Вышэйшай школе” будуць выпускацца таксама аўдыёкнігі з творамі беларускай і сусветнай класікі, у тым ліку тэматычныя падборкі твораў. Выдавецтва мае намер выпускаць мультымедыйныя выданні і дадаткі па краязнаўчай тэматыцы — для таго, каб папулярызаваць турызм.
Жанна Котава
Па старонках аўдыёкніг
Выдавецтва “Вышэйшая школа” пачынае масавы выпуск электронных выданняў