Міжнароднае журы юбілейнага XV Мінскага міжнароднага кінафестывалю “Лістапад” узначаліць вядомы расійскі рэжысёр Валерый Тадароўскі.
Валерый Тадароўскі — часты госць беларускай сталіцы і “Лістапада”. У 2004 годзе на “Лістападзе” за фільм “Мой зводны брат Франкенштэйн” ён атрымаў дыплом журы кінематаграфістаў “За майстэрскае ўвасабленне вобразаў сучаснікаў на фоне трагічных рэалій нашых дзён”.
З 15 да 22 лістапада Мінск ператворыцца ў сталіцу кінафестывалю. Па традыцыі, горад чакае знакамітых гасцей са свету кіно з розных краін. Чакаецца, што колькасць краін-удзельнікаў фестывалю пашырыцца (летась была 42).
Галоўнымі ўзнагародамі фестывалю з’яўляюцца Золата, Серабро і Бронза “Лiстапада”, уладальнікі якога вызначаюцца па выніках глядацкага галасавання і падліку рэйтынгавых балаў. Міжнароднаму журы трэба будзе назваць годных прыза за лепшую рэжысуру, лепшыя мужчынскую і жаночую ролі. Яшчэ адно патрабавальнае журы — кінапрэса — вызначыць, хто годны прыза “Фільм як з’ява мастацтва”, а таксама лепшых акцёра і актрысу другога плана. Акрамя таго, фестываль мае некалькі спецыяльных прызоў.
Жанна Кротава
“Лістапад” у чаканні гасцей
Міжнароднае журы юбілейнага XV Мінскага міжнароднага кінафестывалю “Лістапад” узначаліць вядомы расійскі рэжысёр Валерый Тадароўскі