Вярнуць карціны на радзіму мастака атрымалася дзякуючы пасольству Беларусі ў Францыі, якое дамовілася аб іх продажы з нашчадкамі Шрагі Царфіна, і групе кампаній «А-100», якая ўклала ў гэтую калекцыю сродкі. Работы ўжо знаходзяцца ў Беларусі. Зараз ідзе падрыхтоўка выставы. Як паведамляе БЕЛТА, экспазіцыя адкрыецца ў Мінскім абласным краязнаўчым музеі ў Маладзечне.
Сімвалічна, што выстава будзе працаваць у сталічным рэгіёне, паколькі сам Царфін паходзіць са Смілавічаў Ігуменскага павета Мінскай губерні, адкуль родам і Хаім Суцін. Мастакі добра ведалі адзін аднаго з дзяцінства, нягледзячы на больш чым шасцігадовую розніцу ва ўзросце. Вядома, што Суцін нават дазваляў маленькаму Царфіну глядзець, як ён працуе. Многія гады землякі не падтрымлівалі сувязь, але ў 1920-я сустрэліся зноў, ужо ў Парыжы. Суцін усяляк заахвочваў Царфіна да заняткаў жывапісам. І, відаць, недарэмна. Карціны мастака захоўваюцца сёння ў музеях Францыі, Вялікабрытаніі, Германіі, ЗША і Ізраіля.
mila@sb.by
Фота пасольства Беларусі ў Францыі.
