Мiжнароднае грамадскае аб’яднанне мастакоў i мастацтвазнаўцаў «Майстар» i Беларускi саюз дызайнераў прэзентуюць выставу, прысвечаную 135-годдзю з дня нараджэння Казiмiра Малевiча, i кнiгу Iгара Малевiча «Казимир Малевич. Восхождение на крест судьбы».
Лёс даў Беларусi магчымасць здабыць свой культурны i нацыянальны ciмвал. Вялiкi майстар супрэматызму Казiмiр Малевiч (1878—1935) глыбокімi генетычнымi каранямi звязаны з беларускай зямлёй. У снежнi 2012 года выйшла кнiга вучонага з сусветным iмем, дыпламата i пiсьменнiка Iгара Малевiча, у якой выкладаюцца раней невядомыя факты з жыцця мастака. Сёння мы атрымлiваем ключ, якiм можна адчынiць дзверы ў сусветную супольнасць сучаснага мастацтва.
Першы шанс увайсцi ў сусветны мастацкi працэс Беларусь атрымала ў 1919 годзе, калi ў Вiцебску Казiмiр Малевiч стварыў «УНОВИС» («Сцвярджальнiкi новага мастацтва»). Вiцебскi перыяд Казiмiра Малевiча лiчыцца адным з самых плённых у яго творчасцi. Ён змянiў прадстаўленне пра мастацтва ў ХХ стагоддзi, вывеў яго за мастацкiя межы i ўзвёў у ранг фiласофii.
На здымку: аўтар карцiны «Малевiч» Эвелiна КРЫШТАПОВIЧ i Iгар МАЛЕВIЧ.
Фота: Валерый ХАРЧАНКА
