Міністэрства сувязі і інфарматызацыі сумесна з Нацыянальнай акадэміяй навук пачалі распрацоўку Стратэгіі развіцця інфармацыйнага грамадства.Гаворка ідзе аб канцэптуальным дакуменце, які вызначае мэты, задачы і прыярытэтныя кірункі развіцця інфарматызацыі ў Беларусі на бліжэйшую перспектыву. У аснову распрацоўкі стратэгіі пакладзены прынцыпы і метадалагічныя асновы пабудовы інфармацыйнага грамадства, прынятыя ў дакументах Сусветных сустрэч на вышэйшым узроўні па пытаннях інфармацыйнага грамадства.
У Міністэрстве сувязі і інфарматызацыі ўжо сфарміравана міжведамасная рабочая група. Адбылася сустрэча з прадстаўнікамі вядучых асацыяцый і кампаній у галіне інфармацыйных тэхналогій, падчас якой абмеркаваны магчымасці ўдзелу ўсіх зацікаўленых бакоў у распрацоўцы стратэгіі.
Аляксей Авяр’янаў
