У рамках падрыхтоўкі да абласнога фестывалю «Дажынкі» ў Пінску плануецца ўсталяванне трох новых знакаў на паўднёвым, усходнім і паўночным уездах у горад. Іх дызайн распрацавалі спецыялісты Пінскага архітэктурнага бюро, а вырабілі на суднабудаўнічым-суднарамонтным заводзе.
Тры падмуркі заліты, а на вуліцы Столінскай пачынаецца ўжо мантаж першай і найбольш маштабнай канструкцыі. Яна мае выгляд капліцы з купалам, пад якім размесціцца герб Пінска і будуць пазначаны назва горада і год яго заснавання.
На вуліцы Дастаеўскага знак будзе мець выгляд стэлы, а на Іркуцка-Пінскай Дывізіі — карты.