Руслан Касевiч: планамерна «Мiнскзелянбуд» замяняе ўстарэлыя канструкцыi.Праца ў разгары
На балансе УП «Мiнскзелянбуд» 55 атракцыёнаў у Цэнтральным дзiцячым парку iмя Максiма Горкага, парку культуры i адпачынку iмя Чалюскiнцаў, парку iмя 900-годдзя Мiнска, што ў Чыжоўцы, i парку iмя 50-годдзя Вялiкага Кастрычнiка ў раёне трактарнага завода.На зiму атракцыёны былi надзейна закансерваваныя. Плёнка i ахоўныя кажухi ўжо зняты. Вузлы, што падлягаюць замене, дэманцiраваны, служба па рамонце i эксплуатацыi — iнжынеры-механiкi, электрыкi, энергетыкi, слесары — праводзiць планавыя рамонтныя работы. У iх дружны калектыў хутка ўвальюцца сезонныя работнiкi — каля 90 дзяжурных атракцыёнаў i 30 касiраў.
Вузлы, што падлягаюць замене, дэманцiраваны, служба па рамонце i эксплуатацыi праводзiць планавыя работы.— Таксама цяпер мы праводзiм электрафiзiчныя вымярэннi, грузавыя выпрабаваннi пад нагрузкай, — удакладнiў карэспандэнту «Р» начальнiк упраўлення «Гарадскiя паркi» УП «Мiнскзелянбуд» Руслан Касевiч. — Для праверкi працаздольнасцi атракцыёнаў выкарыстоўваем мяшкi з пяском. I толькi пасля ўсяго гэтага iх аглядае эксперт «Дзяржпрамнагляду» — выдае дазвол на эксплуатацыю.
Планамерна «Мiнскзелянбуд» замяняе ўстарэлыя канструкцыi. У Цэнтральным дзiцячым парку iмя М. Горкага дэманцiравалi атракцыён «Рускiя арэлi» i паставiлi сучасны дзiцячы «Лабiрынт». Летась тут таксама абсталявалi новы механiчны атракцыён «Мiкс». Франтальныя арэлi маятнiкавага тыпу з вышынёй уздыму пасадачнай платформы на 8 метраў у парку Горкага абышлiся прыкладна ў 400 000 рублёў. Выпушчаны яны ў нашай краiне, прайшлi сертыфiкацыю па апошнiм еўразiйскiм тэхнiчным рэгламенце. А ў парку iмя 900-годдзя Мiнска сёлета праклалi лыжаролерную трасу. З «доўгажыхароў» засталiся два атракцыёны — «Вальс» у парках Горкага i 50-годдзя Кастрычнiка i «Ладдзя» ў парку Чалюскiнцаў. Да 2025 года iх выведуць з эксплуатацыi.
Iнжынеры-механiкi, электрыкi, энергетыкi, слесары праводзяць планавыя рамонтныя работы на атракцыёнах.Урокi пандэмii
Мiнулы i гэты год не самы просты перыяд для сферы забаў. Нават i без каронавiруса непагодлiвае лета можа сапсаваць выручку ў касе. У дождж цi моцны вецер па патрабаваннях прамысловай бяспекi атракцыёны не працуюць.— За 2019 год мы прадалi каля 1 млн 500 тысяч квiткоў у чатырох парках, — прадаўжае Руслан Касевiч. — Летась — 921 000 квiткоў.
Дзяжурныя перыядычна апрацоўваюць антысептыкамi кантактныя месцы атракцыёнаў: кабiнкi, поручнi, брамкi, рамянi бяспекi. Рассаджванне — з улiкам патрабаванняў сацыяльнага дыстанцыравання.
Старт сезона атракцыёнаў запланаваны на 28 красавiка, зараз работнiкi наводзяць парадак на тэрыторыi.У парках Горкага i Чалюскiнцаў дзейнiчае сучасная тэхналагiчная сiстэма продажу квiткоў. Яна вельмi дарэчы падчас эпiдэмii. Цяпер наведвальнiкi могуць выкарыстоўваць не толькi папяровыя квiткi з QR-кодамi, бескантактавыя пластыкавыя карты наведвальнiкаў, але i электронныя квiткi, якiя могуць счытвацца з экранаў смартфонаў. Сканiруете смартфонам QR-код спасылкi на аплатны сэрвiс па продажы квiткоў на атракцыёны. Праз iнтэрнэт браўзер адкрые старонку плацёжнага сэрвiсу, дзе можна выбiраць атракцыёны, колькасць бiлетаў i спосаб аплаты. Выбраў i аплацiў у два клiкi, не трэба стаяць у чарзе да касы. Лiчбавы бiлет адлюструецца на экране смартфона i адправiцца на вашу электронную пошту, указаную пры рэгiстрацыi ў аплатным сэрвiсе. Калi не змаглi скарыстацца зараз, ён сапраўдны да канца сезона. Звычайны ж дзейнiчае толькi на працягу дня.
ikras@sb.by
