Больш як 100 чалавек ужо атрымалі афіцыйную згоду на пераезд у Беларусь у сувязі з падзеямі ва Украіне. Аб гэтым паведаміў журналістам у Мінску Надзвычайны і Паўнамоцны Пасол Беларусі ва Украіне Валянцін Вялічка.
“Кожны дзень мы атрымліваем да 50 званкоў, па якіх даём растлумачэнні. У нас распрацаваны пісьмовыя рэкамендацыі, якія ўзгоднены з нашымі міграцыйнымі органамі”, — адзначыў пасол.
Валянцін Вялічка падкрэсліў, што ў цэлым такіх зваротаў паступае вельмі шмат, людзі вывучаюць магчымасці па пераездзе, умовы пражывання і варыянты працаўладкавання. Пры тым пасол удакладніў, што не ўсе яны трапляюць пад катэгорыю бежанцаў. Сярод іх шмат і проста перасяленцаў, тых, хто мае права ў спрошчаным парадку атрымаць беларускае грамадзянства.
Што да ўзроставага складу, то сярод жадаючых пераехаць у Беларусь ёсць як пенсіянеры, так і маладыя людзі — спецыялісты, якія хочуць працаваць і ў сельскай гаспадарцы, і ў іншых сферах, у тым ліку на будаўніцтве Беларускай атамнай станцыі. “Яны бачаць, што тут будзе жыллё, гарантаваная работа”, — адзначыў Валянцін Вялічка.
Дарэчы. На тэрыторыі Украіны жыве каля 250 тысяч беларусаў, а гадоў дзесяць таму беларусамі ідэнтыфікавалі сябе, паводле афіцыйных перапісаў, больш за паўмільёна жыхароў краіны. Суполкі беларусаў цяпер дзейнічаюць у розных гарадах і сёлах Украіны.
Больш як 100 чалавек ужо атрымалі афіцыйную згоду на пераезд у Беларусь у сувязі з падзеямі ва Украіне
Калі братам патрэбна дапамога
Больш як 100 чалавек ужо атрымалі афіцыйную згоду на пераезд у Беларусь у сувязі з падзеямі ва Украіне. Аб гэтым паведаміў журналістам у Мінску Надзвычайны і Паўнамоцны Пасол Беларусі ва Украіне Валянцін Вялічка.