Больш за два дзясяткі абрадавых ручнікоў адноўлены ў Нараўлянскім раённым цэнтры рамёстваўМенавіта гэты раён на Гомельшчыне славіцца вялікай разнастайнасцю абрадавых вясельных ручнікоў. Вядомыя і падножныя, і ручнікі для звязвання рук маладым... Раней ткаліся спецыяльныя ручнікі для вянчання ў царкве: такія нявеста працягвала па падлозе вакол алтара. Многія з абрадавых ручнікоў знаходзяцца ў прыватных калекцыях у адзіным экземпляры.
Больш за дваццаць абрадавых ручнікоў удалося аднавіць спецыялістам Нараўлянскага цэнтра рамёстваў за апошнія два гады, і сёння гэта калекцыя абрадавых ручнікоў — адна з лепшых на Гомельшчыне.
