Хто неаднаразова ездзiў на прыгарадных цягнiках Баранавiчы—Лiда, а таксама на электрычках Мiнск—Брэст, Баранавiчы—Брэст, той бачыў, колькi людзей спакойна кураць у тамбуры вагонаў.
Едкi тытунёвы дым запаўняе ўвесь вагон, i пассажыры вымушаны дыхаць iм. Мiж тым вучонымi, медыкамi, бiёлагамi даўно ўстаноўлена, што ў дыме цыгарэты ўтрымлiваецца больш за 270 вельмi шкодных рэчываў. Таму чалавек, якi знаходзiцца побач з курцом, атрымлiвае ў тры разы больш гэтых шкодных рэчываў, чым сам любiцель цыгарэт. Няўжо нам мала Чарнобыля?
Лiчу, што даўно трэба забаранiць курэнне ва ўсiх цягнiках Беларусi i наогул паўсюль распачаць сапраўдную барацьбу з курэннем. Думаю, ёсць эфектыўны сродак — вельмi вялiкiя штрафы. Тады б курцам было нявыгадна курыць. А без спагнання штрафаў, думаю, смалiць будуць па-ранейшаму.
