«Рэспубліканцы» сталі пераможцамі журналісцкага конкурсу «Беларусь — Расiя. Крок у будучае».
Конкурс праводзіўся ў дзевяці намінацыях, у кожнай з якіх вызначаўся пераможца ад Расіі і Беларусі.
Аўтары газеты «Рэспубліка» — Міхаіл Валькоўскі і Барыс Залескі прызнаныя лепшымі ў катэгорыі «Матэрыялы перыядычных друкаваных і электронных выданняў Рэспублікі Беларусь пра Расію і перыядычных друкаваных і электронных выданняў Расійскай Федэрацыі пра Беларусь».
Яшчэ адну пальму першынства атрымаў «рэспубліканец» Міхаіл Шыманскі. Яго працу журы ацаніла ў спецыяльнай намінацыі «Беларусь і Расія: сяброўства, інтэграцыя, стварэнне», прысвечанай 20-годдзю ўстанаўлення дыпламатычных адносін паміж Беларуссю і Расіяй.
Віншуем нашых аўтараў і жадаем, каб перамогі яшчэ не аднойчы сустракалі іх на нялёгкім журналісцкім шляху.
Фота: БЕЛТА