Вялікім святочным канцэртам у сталічным парку Перамогі мінчане адзначылі Дзень Дзяржаўнага герба і сцяга.
Гэта свята штогод адзначаецца ў другую нядзелю мая ў адпаведнасці з Указам Прэзідэнта краіны ад 26 сакавiка 1998 года.
Сімвалы нашай краiны — Дзяржаўны герб і сцяг — адлюстроўваюць гістарычныя i духоўныя рысы нацыі, асаблівасці культуры і светапогляду беларускага народа, яго імкненне да самавызначэння і самастойнага развіцця.
Канчатковае ўсталяванне цяперашняй сімволікі адбылося ў 1995 годзе. На рэспубліканскім рэферэндуме грамадзяне рэспублікі падтрымалі яе, таму што яна найбольш адпавядала рэаліям сучаснага развіцця беларускай дзяржавы.
