Минск
+13 oC
USD: 2.06
EUR: 2.28

В стране начали тестировать 5G — систему связи нового поколения

Расставiм усе кнопкi над «джы»

У Мінску запушчаны першыя вопытныя зоны 5G. Глабальная задача такіх зон — даследаванне рынку запатрабаваных паслуг у сетках 5G і пошук эфектыўных бізнес-рашэнняў.

Сетка пятага пакалення стане падмуркам развіцця інфраструктуры для праграмы лічбавай эканомікі Беларусі.
alain-bensoussan.com

5G — новае пакаленне высакаскораснай перадачы дадзеных, працяг развіцця папярэдніх стандартаў: GSM, 3G, 4G / LTE. Тэхналогія 5G у будучыні стане
асноўным стандартам перадачы дадзеных. Яна забяспечыць не толькі больш высокую прапускную здольнасць у параўнанні з той, што даступная сёння, але і істотна меншыя затрымкі перадачы дадзеных. Сеткі 5G увасобяць ідэі ўсеагульнай сувязі людзей, рэчаў, працэсаў і дадзеных, рэалізуюць канцэпцыю «інтэрнэту рэчаў». 

З тэхналагічнага пункта гледжання, сеткі сувязі 5G будуць мець у параўнанні з 4G больш высокую хуткасць і нізкія затрымкі перадачы інфармацыі. Базавыя станцыі 5G дазволяць забяспечыць звышскорасную перадачу дадзеных — 1 Гбіт/с і больш на адну абаненцкую прыладу, а пікавая хуткасць — на ўзроўні 19 Гб/с пры затрымцы перадачы інфармацыі на ўзроўні менш за адну мілісекунду.

— У нашых планах у бліжэйшы год паступова пашыраць пакрыццё тэставай сеткі ў Мінску для апрабавання магчымасцей новай тэхналогіі. Асабліва цікавыя вопытныя зоны для тэсціравання беспілотнага транспарту, у медыяіндустрыі і іншых рашэннях, — падзяліўся з карэспандэнтам «Р» Алег Сядзельнік, генеральны дырэктар кампаніі beCloud, якая запусціла вопытныя зоны. — Акрамя таго, сетка пятага пакалення забяспечыць базу для развіцця індустрыяльнага «інтэрнэту рэчаў», а таксама стане падмуркам развіцця інфраструктуры для праграмы лічбавай эканомікі Беларусі.

vashurok.ru

Такім чынам, магчымасці новай тэхналогіі будуць карысныя ў першую чаргу для прамысловага інтэрнэту, беспілотнага транспарту і відэааналітыкі. Мінімальныя затрымкі сігналу, высокая прапускная здольнасць, энергаэфектыўнасць, воблачныя сеткі доступу і гнуткі інтэрфейс 5G сфарміруюць нашу бліжэйшую будучыню ў свеце тэхналогій. Для простых карыстальнікаў на дадзены момант тэхналогія не вельмі актуальная. Банальна ў продажы няма смартфонаў, якія падтрымліваюць такі стандарт сувязі. Масава смартфоны з 5G сусветныя брэнды пачнуць выпускаць у лепшым выпадку ў сярэдзіне гэтага года.

Развіццё 5G у нашай краіне, безумоўна, зойме час. Дарэчы, больш надзённая задача — паўсюдна ўкараніць тэхналогію 4G. На дадзены момант сувязь чацвёртага пакалення пакрывае каля 70 працэнтаў тэрыторыі краіны. Мінсувязі плануе да канца 2020 года ў абласных цэнтрах і ўсіх раённых гарадах з
насельніцтвам больш за 50 тысяч чалавек забяспечыць пакрыццё 4G. Што ж датычыцца амбіцыйнага праекта па ўкараненні высакаскораснай перадачы дадзеных пятага пакалення, то Вольга Федарэева, начальнік упраўлення электрасувязі Мінсувязі, патлумачыла карэспандэнту «Р»: 

— Сусветная супольнасць чакае поўнага хуткага завяршэння работ Міжнародным саюзам электрасувязі па распрацоўцы стандарту 5G. Адначасова з гэтым у многіх краінах арганізавана тэсціраванне пілотных зон сеткі сотавай рухомай электрасувязі пятага пакалення, у тым ліку ў Беларусі. Такім чынам, наша краіна актыўна праводзіць падрыхтоўчыя, арганізацыйна-тэхнічныя мерапрыемствы па ўкараненні сетак 5G у бліжэйшай перспектыве. Дзейнасць у галіне электрасувязі, у тым ліку выкарыстанне радыёчастотнага спектра, рэгулюецца Законам Рэспублікі Беларусь «Аб электрасувязі» і Палажэннем аб парадку выкарыстання радыёчастотнага спектра, якія ў поўнай меры распаўсюджваюцца і на сеткі сотавай рухомай электрасувязі стандарту 5G.

ikras@sb.by

Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter
Загрузка...