Аляксей УТКІН — самы малады механізатар філіяла «Купава-Агра» Бярэзінскага раёна
Нарадзіўся і рос у горадзе Асіповічы, а калі скончыў школу, абраў спецыяльнасць трактарыста-машыніста. Дадаткова атрымаў і другую — слесара па рамонту сельскагаспадарчага абсталявання.
На практыку трапіў на Бярэзіншчыну, дзе і застаўся працаваць.
— Мне падабаецца жыць у вёсцы, працаваць на зямлі, — гаворыць Аляксей. — І вясковыя клопаты мне не ў цяжар.
Малады механізатар быў задзейнічаны на сяўбе кукурузы, а зараз паспяхова шчыруе на чызеляванні глебы.
Алена ГРОМАВА
