Наступны прыпынак Wi-Fi

В гомельских городских автобусах появился бесплатный доступ в интернет

Транспарт абсталяваны моцнымі роўтарамі, якія атрымліваюць сігнал праз 3G-сетку і затым раздаюць трафік па салоне. Гэты праект рэалізавалі ААТ «Гомельаблаўтатранс» і адзін з мабільных аператараў. У будучыні бясплатны Wi-Fi ў грамадскім транспарце можа з’явіцца і ў іншых гарадах вобласці.

Каб атрымаць доступ, трэба прайсці ідэнтыфікацыю

Пасажыр Крысціна Гарбачова пра бясплатны інтэрнэт даведалася толькі ад нас. У салоне аўтобуса не бачна ніякіх аб’яў і інструкцый, аднак кандуктар пацвярджае: Wi-Fi ёсць, шукайце. Крысціна згадзілася пабыць незалежным экспертам.

— О, знайшла, здаецца! GomelAvto Free? 

Аўтобус, які ідзе па маршруце, некалькі разоў паварочвае, і Wi-Fi знікае. Хутка сетку ўдаецца злавіць зноў. Цяпер сігнал амаль максімальны. Браўзер на гаджэце аўтаматычна адкрывае старонку «Гомельаблаўтатранса» і патрабуе ўвесці нумар тэлефона. Гэта і ёсць працэс ідэнтыфікацыі. Па­ведамленне з кодам доступу пры­ходзіць імгненна. Крысціна ўводзіць яго і канцэнтруецца на смартфоне: няскончанай засталася размова ў сацсетках з сяброўкай Кацяй. Сігналу ха­пае і на паведамленні са смай­ламі, і на фотаздымкі з ад­па­чынку. Між іншым, сістэ­ма па­вінна забяспечыць устойлівы прыём незалежна ад таго, у якім месцы аўтобуса знаходзіцца чалавек. Нашай суразмоўніцы Крысціне яго хапіла яшчэ і на некалькі крокаў пасля выхаду з аўтобуса. Адначасова карыстацца інтэрнэтам могуць да 80 чалавек.

Бясплатнага Wi-Fi хапае і на некалькі крокаў пасля выхаду з аўтобуса

Пакуль эксперыментальнай пляцоўкай абраны аўтобусны маршрут № 17 — адзін з самых працяглых у Гомелі. Ён перавозіць пасажыраў з аднаго канца горада ў іншы, з Медгарадка да мікрараёна Кленкаўскі. Роўтарамі абсталяваны 20 машын — дастаткова, каб запоўніць увесь маршрут нават у час пік. 

— У хуткім часе плануем паставіць роўтары яшчэ на 100 аўтобусах, — расказвае намеснік генеральнага ды­рэк­тара па перавозках Мікалай Ка­напліцкі. — Рабіць гэта бу­дзем паступова. На сайце прад­пры­емства размесцім апы­тан­­не: пасажыры павінны выка­зацца, якія аўтобусы, па іх мер­каванні, патрабуць Wi-Fi ў першую чаргу. У любым выпадку бясплатны інтэрнэт з’явіцца на самых папулярных і працяглых маршрутах.

У перспектыве перавозчыкі плануюць увесці такую ж прак­тыку ў іншых буйных гарадах рэгіёна, у прыватнасці ў Мазы­ры, Жлобіне. А затым прыйдзе чарга і міжгародніх аўтобусаў. У кампаніі мабільнага аператара дадалі, што Гомель павінен стаць узорным прыкладам. Праверанае інавацыйнае рашэнне яны гатовы прапанаваць транспартным пе­равозчыкам па ўсей краіне. 3G-сеткай пакрыты амаль кожны куток краіны, таму рэалізаваць праект можна ў любым населеным пункце. Рашэнне толькі за пе­равозчыкам.

Атрыманай хуткасці Крысціне хапае і на паведам ленні ў сацсетках, і на адпраўку фотаздымкаў

Шмат у якіх гарадах свету бяс­платны інтэрнэт ужо даўно стаў неад’емнай часткай паса­жырскага транспарту. У нас магчымасць зрабіць гэта масавай з’явай існуе з канца верасня 2016 года. Тады Міні­стэр­ства сувязі і інфар­матызацыі ўключыла Wi-Fi-перадатчыкі ў пералік радыё­эле­ктронных прыладаў, якія не падлягаюць спецыяльнай рэгі­страцыі. Між іншым, большая частка паса­жыраў і без таго ў грамад­скім транспарце увесь час паездкі карыстаецца гаджэтамі. Гамяльчане ж цяпер будуць рабіць гэта бясплатна.

valchencko@mail.ru

Фота Івана КУЗМЯНКОВА

Версия для печати
Александр,53,Бобруйск
Для чего сие надо,зачем это клиентам,у которых все гаджеты имеют доступ к беспроводному интернету,имеют 3-G,4-G!?
Александр,53,Бобруйск
Извините,вспомнил,как летом при жаре,водители автобусов,чтобы охладить двигатели,включали в салоне печки и народ умирл от жары. Так пусть бы вместо никому ненужного интернета сделали кондиционеры,как в тех автобусах,которые продали в Питер.
Сергей, 28, Гомель
Красивая девочка на фото!!!!
Заполните форму или Авторизуйтесь
 
*
 
 
 
*
 
Написать сообщение …Загрузить файлы?