Ініцыятар стварэння і ўстаноўкі такога сімвала абласнога цэнтра на будынку Галоўпаштамта — старшыня Магілёўскага гарвыканкама Уладзімір Цумараў. На ажыццяўленне ідэі спатрэбіліся два тыдні і каля 160 кілаграмаў нержавеючай сталі.
— А зрабілі прыгожую ажурную канструкцыю вышынёй больш за пяць метраў спецыялісты прадпрыемства «Магілёўліфтмаш», — удакладніла галоўны спецыяліст аддзела ідэалагічнай работы, культуры і па справах моладзі Магілёўскага гарвыканкама Вольга Бухалаўцава.
Флюгер стаў сапраўдным упрыгажэннем горада. З яго дапамогай можна вызначыць як стораны свету, так і накірункі ветру.