ГРЫБНАЯ ЗIМОВАЯ САЛАТА
I варыянт
Складнiкi: 150 г марынаваных грыбоў, 200 г капусты, 2 памiдоры, 1 морква, 3 яблыкi, 1/2 цыбулiны, 5 ст. лыжак алею, 1 струк чырвонага салодкага перцу, воцат, чырвоны молаты перац, соль.
Грыбы буйна нарэзаць, гароднiну нашаткаваць i змяшаць з грыбамi. Заправiць алеем, дадаць солi i перцу.
II варыянт
Складнiкi: 150 г марынаваных грыбоў, 4 бульбiны, 100 г фасолi, 1 морква, 3 яблыкi, 1 цыбулiна, 2 салёныя агуркi, 1 ч. лыжка гарчыцы, 4 ст. лыжкi алею, 3 марынаваныя памiдоры, 1 струк чырвонага салодкага марынаванага перцу, воцат*, чырвоны молаты перац, соль, зелянiна пятрушкi.
Асобна зварыць бульбу, моркву i фасолю. Грыбы, агароднiну, яблыкi нарэзаць дробнымi кубiкамi i змяшаць з фасоллю. Заправiць алеем, змяшаным з гарчыцай i воцатам, дадаць солi i перцу. Атрыманую масу змяшаць, выкласцi у салатнiцу, пасыпаць дробна нарэзанай зелянiнай пятрушкi, упрыгожыць колцамi перцу i марынаванымi памiдорамi.
* Воцат — уксус
РУЛЕТ 3 РУБЦОЎ, ЯЗЫКА I МЯСА
Складнiкi: 2 кг рубцоў, 150 г языка, 200 г мяса, 100 г сала, 1 морква, 1 цыбулiна, 2 яйкi, 20 г салеры, 1 ст. лыжка мукi, 250 г мяснога адвару, соль i прыправы да смаку.
Вычышчаныя i вымытыя рубцы адварыць у падсоленай вадзе да паловы гатовасцi, выняць з адвару, астудзiць, зраўняць краi i зрэзаць тоўстыя месцы. Мяса зварыць да поўнай гатовасцi разам з языком, карэннямi i прыправамi. Выняць усё з прыварку, нарэзаць саломкай разам з адваранай морквай, дадаць сырыя яйкi, змешаныя з мукой, улiць трохi мяснога адвару, усыпаць солi, перцу, цёртага лаўровага лiсту, кмену i зелянiны. Рубец пакласцi на дошку, пакрыць тонкiмi лустачкамi свiнога сала, раскласцi на iм прыгатаваную накрыпку*, скруцiць рулетам, загарнуць у марлю, туга перавязаць моцным шпагатам i варыць у салёнай вадзе каля трох гадзiн. Пасля гэтага рулет выняць, астудзiць, пакласцi пад дошчачку з невялiкiм грузам. Ахаладзiць, зняць шпагат i марлю.
* Накрыпка — начинка
КУЛЕШ
Складнiкi: 2 л вады, 150 г свiнiны, 100 г прасяных круп, 1 цыбулiна, 50 г сала, соль, перац, лаўровы лiст.
3 нарэзанага кубiкамi мяса i нашаткаванай цыбулi ў саганку зварыць прыварак. Крупы добра прамыць i засыпаць у прыварак. Сала дробна нарэзаць, патаўчы цi адбiць да атрымання аднастайнай масы, закласцi ў саган, пасалiць, паперчыць, дадаць прыпраў i лаўровага лiсту. Варыць да гатовасцi круп.
ДАЛIКАТНЫ СУП
Складнiкi: 500 г мяса, 1 цыбулiна, 3 морквы, 500 г каляровай капусты, 1 кг памiдораў, 150 г рысу, 30 г кораня пятрушкi, 30 г кораня салеры, 200 г смятаны, соль, прыправы.
У рондаль залiць невялiкую колькасць халоднай вады, пакласцi прамытае мяса i дробна нашаткаваную цыбулю, праз гадзiну варкi дадаць нарэзаную ўздоўж на чварцiнкi моркву. Каляровую капусту ачысцiць, памыць i апусцiць на некалькi хвiлiн у кiпень. Пасля гэтага яшчэ раз прамыць халоднай вадой i падзялiць на дробныя суквеццi. Рыс перабраць i старанна прамыць некалькi разоў халоднай вадой, потым папражыць на патэльнi, але так, каб рыс не страцiў белага колеру, а толькi стаў рассыпiстым. Пражаны рыс высыпаць у мясны прыварак. Памiдоры прапусцiць праз мясасечку, а потым праз сiта. Таматавы сок, каляровую капусту, нацёртыя каранi пятрушкi i салеры, прыправы, соль дадаць да прыварку i варыць да гатовасцi. У талерках забялiць смятанай i пасыпаць зелянiнай пятрушкi i кропу.
ТАЎЧОНIКI
Складнiкi: 500 г бульбы, 1 ст. лыжка мукi, 2 яйкi, 50 г сметанковага масла, 2 ст. лыжкi тоўчаных сухароў, соль.
Бульбу абабраць, памыць i зварыць у падсоленай вадзе. Ахаладзiць, патаўчы, дадаць яйкi, муку, палову сметанковага масла*, добра перамяшаць. 3 гэтай масы сфармаваць круглыя катлеты, абкачаць у тоўчаных сухарах i падсмажыць на масле з абодвух бакоў.
* Сметанковае масла — сливочное масло
По просьбе уважаемого Ю.Качука причитающийся ему авторский гонорар будет перечислен на счета Зельвенского районного социально-педагогического центра и Центра коррекционно-развивающего обучения и реабилитации г.п. Зельва.
