ГРЫБНЫ СУП 3 АЎСЯНЫМI КРУПАМI
Складнiкi: 40 г сушаных баравiкоў, 40 г аўсяных круп, 1 морква, 30 г кораня пятрушкi, 1 цыбулiна, 2 ст. лыжкi сметанковага масла*, перац, лаўровы лiст.
Грыбы прамыць у вадзе, замачыць на 2 — 3 гадзiны, затым адварыць i працадзiць. Грыбы нашаткаваць. Асобна нарэзаць карэннi i цыбулю дробнымi кавалачкамi i падсмажыць на сметанковым масле. Аўсяныя крупы 2 — 3 разы прамыць у гарачай вадзе i пакласцi ў кiпячы грыбны адвар. Варыць пры слабым кiпеннi на працягу 30 хвiлiн. За 5 хвiлiн да канца варкi ў рондаль* дадаць падсмажаныя карэннi, нашаткаваныя грыбы, соль, перац, лаўровы лiст.
* Рондаль — кастрюля.
Сметанковае масла — сливочное масло.
САЧНI
Складнiкi: 800 г бульбы, 4 ст. лыжкi мукi, 2 яйкi, 150 г тварагу, 50 г сметанковага масла, соль.
Зварыць бульбу ў лупiнках, абабраць, патаўчы, дадаўшы палову мукi, адно яйка, соль, добра размяшаць i сфармаваць плоскiя кружочкi, на сярэдзiну якiх пакласцi накрыпку* з тварагу, змешанага з яйкам, краi загарнуць. Сачнi ўкачаць у муку i падсмажыць з абодвух бакоў на сметанковым масле.
* Накрыпка — начинка.
БУЛДАВА 3 НЫРКАМI I ГРЫБАМI
Складнiкi: 2 ныркi*, 100 г свежых грыбоў, 5 бульбiн, 1 яйка, 100 г сметанковага масла, 2 ст. лыжкi молатых сухароў, солi i перцу да смаку, 2 ст. лыжкi сыру.
Грыбы адварыць у падсоленай вадзе. Падрыхтаваць ныркi: нарэзаць на кавалкi, абсыпаць пiтной содай, даць пастаяць 40 хвiлiн, палiць воцатам; калi шум асядзе, некалькi разоў прамыць вадой, ныркi зварыць да паловы гатовасцi ў падсоленай вадзе, яшчэ раз добра прамыць. Бульбу абабраць i адварыць. Грыбы дастаць з адвару, а ныркi даварыць у iм, потым грыбы i ныркi дробна пасячы i абсмажыць на сметанковым масле, змяшаць з булдавой (бульбяным пюрэ), дадаць яйка, трохi солi, перцу, масла, перамяшаць, пакласцi ў бляшку, вышмараваную маслам i абсыпаную сухарамi, зраўняць, пасыпаць зверху цёртым сырам з сухарамi, палiць маслам i даць зарумянiцца ў духоўцы.
* Ныркi — почки.
САЛАТА 3 СУШАНЫХ ГРЫБОЎ I СЕЛЯДЦА
Складнiкi: 100 г грыбоў, 2 селядцы, 2 яйкi, 250 г смятаны, 1 цыбулiна, соль, воцат*, перац, зелянiна пятрушкi.
Вызначыць, наколькi яйкi свежыя, можна наступным чынам. У 1 лiтры вады распусцiць 12 грам буйной солi i апусцiць у гэты раствор яйка:
яйка сённяшняе хутка апускаецца на дно бокам;
яйка адно–двухдзённае ўстае на дно тупым канцом угару;
яйка пяцiдзённае спачатку застаецца на плыву, а затым паступова апускаецца;
яйка дзесяцi–дванаццацiдзённае напалову высоўваецца з вады.
Ад яйка, якое важыць у сярэднiм 60 грам, застаецца каля 7 грам шкарлупiны. Бялок складае прыкладна 2/3, жаўток — 1/3 масы яйка.
Грыбы замачыць у вадзе на 2 гадзiны. Потым адварыць, адкiнуць на друшляк, буйна насекчы. Селядцы без костак i скуры нарэзаць кубiкамi. Нашаткаваную цыбулю палiць гарачым растворам воцату i вады, вадкасць адцiснуць. Усё перамяшаць з насечаным вараным яйкам, соллю, перцам i смятанай, пасыпаць зелянiнай пятрушкi.
* Воцат — уксус.
СВIНЫ КУМПЯК У СУХАРАХ
Складнiкi: 600 г свiнога кумпяка*, 30 г сухароў, 30 г тлушчу, 1 яйка, 1 морква, 1 цыбулiна, 8 бульбiн, салёныя агуркi, соль, прыправы.
Любiвы кавалак кумпяка разрэзаць уздоўж папалам i варыць у кiпячым агароднiнным прыварку* з прыправамi i соллю на працягу 15 хвiлiн. Затым выняць мяса з прыварку, абляпiць цестам, прыгатаваным з яйка i тоўчаных сухароў, запячы ў духоўцы разам з нарэзанай скрылькамi бульбай.
Падаваць з салёнымi агуркамi.
Крышку iначай:
Кавалак кумпяка цалкам варыць у кiпячым агароднiнным прыварку з прыправамi i соллю на працягу 15 хвiлiн. Затым выняць мяса з прыварку, нарэзаць тонкiмi лустачкамi, абляпiць цестам з яйка i сухароў, смажыць на тлушчы з абодвух бакоў.
* Кумпяк — окорок.
Агароднiнны прыварак — овощной отвар.
