Адкрывалі фестываль прадстаўнікі трох народаў: кіраўнік Украінскага нацыянальна-культурнага цэнтра “Проминь” Іван Капліенка, старшыня суполкі “Русский Национальный Центр” Уладзімір Шарстнёў, а таксама я, кіраўнік беларускай суполкі “Белая Русь”. У фестывалі паўдзельнічалі таксама казакі: як у канцэрце, так і ў выставе — прадставілі цікавыя экспанаты. Са сцэны гасцей і ўдзельнікаў фестывалю віталі прадстаўнікі абласной і гарадской улады, а таксама дырэктар самарскага Дома дружбы народаў Ігар Бураў, клірык храма ў гонар Святога Ушэсця Гасподняга протаіерэй Дзіянісій.
На сцэне фестывалю — ансамбль беларускай песні “Белая Русь”Са сцэны выступоўцы казалі пра моцныя сувязі паміж славянскімі народамі: нацыянальныя, культурныя. Спрыяюць умацаванню адзінства нашы духоўныя традыцыі, хрысціянская вера. Даўно сумесна жывуць прадстаўнікі розных славянскіх народаў на Самарскай зямлі, знаходзяць агульную мову з суседзямі, сумесна працуюць на агульную карысць. Выдатнай рысай самарскага характару, падаецца мне, ёсць якраз уменне разумець адзін аднаго, што ўласціва і беларусам. Тут паважаюць іншыя культуры, людзі здольныя прыйсці на дапамогу бліжняму, шчыра парадавацца з нагоды поспехаў іншых.
Прыгожым атрымаўся фестывальны канцэрт. Беларускую культуру прадстаўлялі наш ансамбль беларускай песні “Белая Русь” з Самары і народны ансамбль беларускай песні “Купалінка” з Тальяці. Выступалі народны ўкраінскі хор “Проминь”, тэатр танца “Эклипс”. На канцэрце гучалі беларускія, рускія, украінскія ды казачыя песні. Выступалі госці фестывалю: вядомыя выканаўцы, мастацкія калектывы нацыянальна-культурных цэнтраў вобласці.
Алег Ксяндзоў, кіраўнік беларускай суполкі “Белая Русь”, г. Самара
Голас Радзімы № 16 (3568), чацвер, 26 красавіка, 2018 у PDF
