Сказки детей Беларуси = Marchen belarusischer Kinder/сост. и пер. на рус. яз. Е.А.Ландин; пер. на нем. яз. Л.Штерн; худож. Р.М. Тимохова. — Минск: Літаратура і Мастацтва, 2010. — 144 с.: ил.
Кніга казак дзяцей Беларусі створана амаль паўтара дзесяцігоддзя назад і выдадзена па выніках конкурсу “Усім — па казцы”, які праводзіў Беларускі фонд сацыяльнай падтрымкі дзяцей і падлеткаў “Мы — дзецям”. Тады, у 1998 годзе, і кніга выйшла ў мінскім “Юнацтве”. Мінула столькі часу. Аўтары твораў выраслі, закончылі школу, нехта і інстытут, набылі спецыяльнасць, магчыма, нават забыліся пра свой удзел у конкурсе. А казкі жывуць, прадаўжаюць радаваць новае пакаленне дзяцей. Цяпер — дзякуючы новаму выданню, якое пабачыла свет на рускай і нямецкай мовах. Героі ў творах школьнікаў 1990-х вельмі сімпатычныя, добрыя і справядлівыя. Літаральна кожная з казак — гэта яшчэ і клопат хлопчыкаў і дзяўчынак пра нашу прыроду, чысціню паветра і рэк, жаданне агучыць многія праблемы, звязаныя са зносінамі чалавека з навакольным светам. Маляўнічыя ілюстрацыі да новага выдання казак выканала вядомая мастачка Рыта Цімохава.
