Бусел прыносіць шчасце

Да Дня славянскага адзінства ў музеі класіка беларускай літаратуры Максіма Багдановіча ў Яраслаўлі прайшлі заняткі для школьнікаў “Славянскі вянок”
Дзень славянскага адзінства штогод адзначаюць рускія, украінцы, палякі, сербы, славакі, славенцы, беларусы, чэхі і балгары. Найбольш шырока — у Расіі, Украіне і Беларусі. Свята гэтае сапраўды агульнае, бо ідзе ад адзіных каранёў, культурных традыцый і звычаяў.
Вось і пад час імправізаваных урокаў у музеі Максіма Багдановіча дзеці знаёміліся з асаблівасцямі нацыянальных строяў, дзяржаўнымі сімваламі Расіі, Беларусі, Украіны. Напрыканцы заняткаў вучні паўдзельнічалі ў майстар-класе па роспісе драўлянага бусла, які лічыцца сімвалам шчасця ў славян.