Ужо другі раз студэнтка Інстытута сучасных ведаў з Полацка Аляксандра Жук уваходзіць у лік пераможцаў фестывалю-конкурсу «Млын моды».
У мінулым годзе будучы спецыяліст па дызайне верхняй вопраткі заняла першае месца. Зараз мадэлі, прадстаўленыя Аляксандрай, былі ўдастоены ганаровага другога месца. Дзяўчыне ўсяго 21 год, да наступлення ў ВНУ яна скончыла спецыялізаваную мастацкую школу ў Полацку. Цяпер малады дызайнер працуе над новай калекцыяй, лёс якой, спадзяёмся, будзе такім жа паспяховым, як і папярэдніх.