Ліпскі, У.С. Усе мы — радня: аповесць, апавяданні/ Уладзімір Ліпскі. — Мінск: Маст.літ., 2010. — 350 с.
Многія гады пісьменнік Уладзімір Ліпскі вывучаў розныя генеалагічныя звесткі пра людзей пад родным прозвішчам. Ён адкрыў для сябе шмат цікавага, стварыў сапраўдную радаводную планету. Цэлы пласт сваіх сучаснікаў, многіх прашчураў закрануў літаратар сваім даследаваннем. Кніга “Усе мы — радня” чытаецца як захапляльны гістарычны дэтэктыў. Пісьменнік не прыхарошвае Ліпскіх, але і не прыніжае. Аўтар расказвае пра Ліпскіх, якія жывуць у невялікіх беларускіх вёсках, даганяюць сваю вечнасць за звычайным сялянскім клопатам — даглядаюць агароды, пасуць кароў. І расказвае пра тое, што жывуць Ліпскія ва ўсім свеце.
