Беби-бум в Минском зоопарке: количество жителей растет

З прыемным папаўненнем!

У калекцыі Мінскага заапарка каля 450 відаў жывёл, больш за 2000 асобін. Некаторыя занесены ў Міжнародную Чырвоную кнігу. І цёплая пара — час з’яўлення патомства ў многіх з іх. У гэтым вяснова-летнім сезоне дзіцянятамі абзавяліся вінтарогія козачкі, лані, мангусты, які і іншыя насельнікі заапарка. Нясуцца нават страусы! Карэспандэнт «Р» пабывала ў заапарку і пазнаёмілася з новымі гадаванцамі.

Наведвальнікі прыходзяць у заапарк знаёміцца з малымі.

Самі з рагамі

Па новай прасторнай вальеры ходзіць парачка грацыёзных ланей. За імі паўсюль ідуць двое малых. Яны баязліва хаваюцца за маму і з цікавасцю назіраюць, як старэйшыя сабраты смела падыходзяць да наведвальнікаў. Старэйшае пакаленне маладняк не крыўдзіць. У прасторнай вальеры месца хапае ўсім. Трава, кара, галінкі дрэў і іншая даступная расліннасць — аснова рацыёну гэтых жывёл. І ўсё ж ад ласункаў наведвальнікаў яны не адмаўляюцца. Частуючы самку морквай, малодшы навуковы супрацоўнік заапарка Анастасія Батурэвіч кажа:

— Упершыню еўрапейскія лані з’явіліся ў калекцыі Мінскага заапарка ў 2012 годзе. Сёння тут жывуць чатыры дарослыя асобіны. За час знаходжання ў заапарку неаднаразова радавалі нас дзеткамі. Гэты год не стаў выключэннем.

Двое малых не адыходзяць ад лані ні на крок.

Лань лёгка пазнаць па характэрнай плямістай афарбоўцы. Але ў еўрапейскіх ланей яна змяняецца ў залежнасці ад пары года. Ад ярка-рудога з дробнымі белымі плямамі ўлетку да попельна-шэрага і нават чорнага адцення зімой.

На розных будынках заапарка буслы звілі 5 гнёздаў, у якіх падрастаюць птушаняты.

Пакуль мы любуемся ланямі, непадалёк важна ходзіць белы бусел. Дарэчы, на розных будынках заапарка буслы звілі 5 гнёздаў. Адна пара птушак аблюбавала гняздо на купале вальеры львоў. У іх таксама падрастаюць птушаняты. Дзеці чакаюць тату-бусла з палявання, а мама дрэмле на краёчку гнязда — месца стала ў абрэз. Хутка юныя буслы стануць на крыло і з такімі ж маладымі асобінамі паляцяць у вырай.

У клапатлівых руках заатэхніка Анастасіі Вернікоўскай дзіцяняты мангустаў хутка дужэюць.
У паласатых мангустаў таксама папаўненне! Вясной на свет з’явіліся трое малых. На жаль, іх мама загінула, і жыццё дзіцянят аказалася пад пагрозай. Заатэхнік Анастасія Вернікоўская фактычна замяніла ім маму. Для паўнавартаснага развіцця малым быў патрэбны пастаянны догляд. Спецыяліст карміла іх сумессю з бутэлечкі кожныя 2 гадзіны. У клапатлівых руках заатэхніка дзіцяняты хутка адужэлі. Цяпер кожнае з іх важыць каля 260 грамаў (пры нараджэнні вага аднаго малога складала прыкладна грамаў 40). У рацыёне акрамя малака ўжо прысутнічае і цвёрдая ежа: ялавічына, курыца, перапёлчыны яйкі, тварог. Змяніўся і інтэрвал кармлення. Ежу маленькія мангусты атрымліваюць праз кожныя тры гадзіны.

Анастасія Батурэвіч расказвае:

— Мангусты жывуць даволі вялікімі групамі, у сярэднім па 15–20 асобін. Ноччу звяркі спяць у адным доме, а раніцай выходзяць на кармленне. Калі ў групе ёсць дзіцяняты, то яны застаюцца ў хованцы.

Патомствам абзавяліся таксама жоўтыя мангусты. Малой адзін месяц, ёй паступова ўводзяць прыкорм. Па назіраннях заатэхнікаў, асабліва да душы ёй прыйшлося малако з жаўткамі перапёлчыных яек.

Чым больш, тым лепей

Старажыл Мінскага заапарка янот Маня таксама нядаўна стала мамай. Яна пасялілася ў заа­парку ў 2014 годзе. Да гэтага жыла ў зоамагазіне Брэста. Яна вельмі дружалюбная. Праз некаторы час у яе з’явіўся сябар. Звяркі адразу спадабаліся адно аднаму. Сёлета яны ўжо другі раз сталі бацькамі. Спачатку, як і любая мама, Маня была вельмі асцярожнай і насцярожанай, хавала сваіх дзетак ад старонніх вачэй у будцы, агрэсіўна рэагавала на ўваход работнікаў у вальеру. Толькі калі малыя падраслі і адужэлі, маці вывела іх з хованкі. Усе пяцёра — хлопчыкі. І, як усе хлапчукі, сапраўдныя непаседы. Так і намагаюцца куды-небудзь залезці. Сумаваць малым дакладна не давядзецца — у вальеры створаны ўсе ўмовы для гульняў. Бацьку сямейства пакуль даводзіцца весці халастое жыццё ў суседніх апартаментах. Калі маладняк падрасце, сям’ю аб’яднаюць, і самец зможа пазнаёміцца ​​з сынамі.

Наведвальнікі любяць падкормліваць насельнікаў заапарка гароднінай, жывёлы ад пачастункаў не адмаўляюцца.

У сям’і якаў Чыгі і Ціба 8 мая з’явілася цяля. Гэтае кудлатае капытнае вельмі мілае, як і ўсе дзеці. Яно падобнае да мамы — такое ж чорнае, з белай зорачкай на лбе. Спачатку цяля не адыходзіла ад Чыгі ні на крок, хавалася за яе поўсцю, што спадае да зямлі. На жаль, роды аказаліся цяжкімі, і неўзабаве самка загінула. Клопат аб дзіцяняці лёг на плечы заатэхнікаў. Па іх словах, як падрос, стаў больш рашучым і самастойным.

Вінтарогая козачка ў чэрвені таксама стала мамай. Практычна штогод гэтыя незвычайныя жывёлы радуюць наследствам. Малышка козачка з задавальненнем бегае па сваёй вялікай вальеры, скача па камянях і ўжо з лёгкасцю залазіць на высокую імправізаваную скалу.

Вінтарогія козы ў чэрвені сталі бацькамі.

Малышка козачка з задавальненнем бегае па сваёй вялікай вальеры, скача па камянях і ўжо з лёгкасцю залазіць на высокую імправізаваную скалу.

Хоць бэбі-бум традыцыйна выпадае на цёплы час года, мінулая зіма ў заапарку таксама не была бясплоднай. Адным ягнём абзавялася авечка-мерынос, трыма — дзве камерунскія авечкі. У вальеры з бацькамі падрастае маладая лама, а ў вялікай вальеры — двое зубранят. Нараджэнне адразу дваіх дзіцянят у зуброў — з’ява вельмі рэдкая. Зубрыца Мулатка ўжо ў трэці раз стала маці, але ўпершыню нарадзіла двайнят. Малышы паводзяць сябе як і належыць усім здаровым зубранятам: скачуць, дрыгаюць нагамі, гарцуюць па вальеры. А для самых дапытлівых падрыхтавала сюрпрыз мама-кенгуру: калі набрацца цярпення, то можна ўбачыць, як з яе сумкі выглядае дзіцяня!

Многія прыходзяць у заапарк з дзецьмі.

Ёсць у заапарку пары жывёл, якія ўтрымліваюцца ў суседніх вальерах і часова маюць зносіны адзін з адным — гэта бенгальскі тыгр Сайман з тыгрыцай Тамуці і дарослы мядзведзь Трыстан з маладой мядзведзіцай Нюрай. Не выключана, што аднойчы яны таксама пацешаць нас малымі.

gorbatenko@sb.by
Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter
Фото: Татьяна СТОЛЯРОВА