Віляйчане падрыхтавалі падарунак жыхарам сталіцы да Дня горада.
У гарадской мастацкай галерэі твораў Леаніда Шчамялёва 14 верасня адкрыецца выстава твораў прымітыўнага мастацтва з калекцыі Вілейскага краязнаўчага музея. Там будуць прадстаўлены дываны, карціны ў тэхніцы роспісу па шкле і іншыя атрыбуты сялянскага побыту першай паловы XX стагоддзя.
«З Вілейкі — з любоўю» — так назвалі экспазіцыю яе арганізатары. Супрацоўнікі Вілейскага краязнаўчага музея лічаць, што выстава стане своеасаблівым арыгінальным падарункам для жыхароў і гасцей сталіцы.