Паслуга ПЛР-тэсцiравання платная: 39,8 рубля для рэзiдэнтаў Беларусi i 57,58 — для нерэзiдэнтаў.На працягу аднаго працоўнага дня
Сёння ўсе намаганнi дзяржавы i грамадства накiраваны на барацьбу з распаўсюджваннем каронавiруса. Адно з вядучых месцаў у гэтай працы займае дыягностыка. I новы цэнтр для ПЛР-тэсцiравання стане велiзарнай падмогай для дыягнастычных магчымасцей. Ён адкрыўся ў будынку чыгуначнай станцыi Мiнск- Пасажырскi. Чаму менавiта тут? Улiчваючы абставiны, шматлiкiм падарожнiкам давядзецца аддаць перавагу не паветранаму, а чыгуначнаму транспарту. Да таго ж днямi Беларусь i Расiя аднавiлi рэйсы самалётаў i цягнiкоў памiж Мiнскам i Масквой.Першы намеснiк начальнiка станцыi Мiнск-Пасажырскi, начальнiк вакзала Аляксандр Нiкалюк патлумачыў, што з павелiчэннем колькасцi рэйсаў i традыцыйным ростам пасажырапатоку ў летнi сезон наспела неабходнасць у адкрыццi яшчэ аднаго пункта, дзе можна здаць тэст на каронавiрус:
— З аднаўленнем мiжнародных чыгуначных пасажырскiх перавозак памiж Беларуссю i Расiяй стала паступаць вялiкая колькасць зваротаў ад пасажыраў з просьбай арганiзаваць ПЛР-тэсцiраванне на тэрыторыi вакзала. Мы пачулi нашых пасажыраў i сумесна з гарадскiм цэнтрам гiгiены i эпiдэмiялогii арганiзавалi такую лабараторыю.
— Лабараторыя на чыгуначным вакзале стала ўжо чацвёртай у Мiнску, дзе праводзяць малекулярна-бiялагiчныя даследаваннi для тых, хто выязджае за мяжу. Тры iншыя ў ранейшым рэжыме працуюць на вулiцы П. Броўкi, 13, на Бранявым завулку, 10а i ў Нацыянальным аэрапорце Мiнск, — пералiчыла важныя для ўсiх падарожнiкаў адрасы загадчык мiкрабiялагiчнай лабараторыi Мiнскага гарадскога цэнтра гiгiены i эпiдэмiялогii Наталля Леўшына.
Валянцiна стала адной з першых клiентак новага ПЛР-цэнтра.Уваход у лабараторыю на станцыi Мiнск-Пасажырскi размешчаны з боку гасцiнiцы «Экспрэс». Знайсцi лёгка: адмiнiстрацыя вакзала для зручнасцi пасажыраў размясцiла паказальнiкi.
У пункце працуюць тры чалавекi — доктар i два лабаранты. Наталля Леўшына — аб тым, як пабудавана праца новага пункта:
— Першапачаткова планавалася адкрыць комплексную лабараторыю, якая будзе не толькi рабiць забор матэрыялу, але i тут жа, на месцы, даследаваць яго. Зыходзячы з асаблiвасцей памяшкання, якое нам далi, мы спынiлiся на фармаце пункта, якi будзе толькi адбiраць матэрыял для даследавання. А яго непасрэднае даследаванне будзе праводзiцца ў нашай асноўнай лабараторыi на Бранявым завулку, 10а. Яна працуе з 08:00 да 22:00. Такi рэжым працы дазваляе правесцi ўсе неабходныя тэсты на працягу аднаго працоўнага дня. Гэта значыць сёння вы здалi тэст, заўтра з 09:00 атрымаеце вынiк.
Пакуль мы гутарым са спецыялiстамi, у пункт адзiн за адным заходзяць пасажыры. Пенсiянерка Валянцiна стала адной з першых клiентак новага ПЛР-цэнтра i не хавае радасцi з гэтай нагоды:
— Планую на выхадныя з’ездзiць у Расiю. У мяне бiлет на заўтра. Вельмi зручна, што зараз усе неабходныя медыцынскiя тэсты можна здаць проста на вакзале. Як я даведалася? У iнтэрнэце прачытала. Выдатна!
Пакуль Валянцiна здае аналiзы, сваёй чаргi чакае яшчэ адзiн пасажыр — Сяргей:
— Зручна, што ўсё можна зрабiць тут, на месцы. Сёння здам аналiзы, заўтра ўжо забяру вынiкi. Калi будуць адмоўныя, то ўвечары змагу з’ехаць у Маскву.
Новы цэнтр для ПЛР-тэсцiравання стане велiзарнай падмогай для дыягнастычных магчымасцей.Падарожнiчайце без вiруса
Паслуга ПЛР-тэсцi-равання платная: 39,8 рубля для рэзiдэнтаў Беларусi i 57,58 — для нерэзiдэнтаў. Намеснiк галоўнага дзяржаўнага санiтарнага ўрача Мiнска Наталля Аўтухова распавяла, што працаваць кабiнет ПЛР-забору будзе да тых часоў, пакуль у iм будзе патрэба ў пасажыраў:— На сёння ПЛР-даследаванне — адзiн з самых дакладных i пэўных метадаў дыягностыкi. У дзень мы можам здзейснiць каля 200 забораў.
Для праходжання тэсцiравання трэба папярэдне запiсацца анлайн. Запiс адкрываецца па пятнiцах у 09:00 на шэсць дзён наступнага тыдня. Нядзеля — выхадны. Такiм чынам, сёння ўжо можна запiсвацца на наступны тыдзень — з 14 па 19 чэрвеня. Наталля Леўшына патлумачыла, чаму запiс у электронную чаргу даступны толькi на тыдзень наперад:
— Раней запiсацца можна было нават на чатыры i на шэсць месяцаў наперад. Некаторыя неабавязковыя клiенты гэтым карысталiся: запiсвалiся па тры-чатыры разы. Калi ў iх мянялiся планы, то далёка не ўсё i не заўсёды адмянялi рэгiстрацыю. Большасць проста не прыходзiла ў прызначаны час. Па нашых падлiках, з усiх тых, хто запiсаўся на тэсцiраванне, рэальна прыходзiлi працэнтаў 20—30. У вынiку атрымлiвалася так: жадаючыя не могуць запiсацца, таму што вольных месцаў у электроннай чарзе няма, а на справе ў лабараторыi амаль нiкога... Каб неяк вырашыць гэтую сiтуацыю, нам давялося адкрыць тэлефонны запiс. Зараз, зыходзячы з вопыту, мы вырашылi, што аднаго тыдня пасажыру цалкам дастаткова, каб спланаваць сваю паездку i выбраць дзень для здачы аналiзу.
Каб прайсцi ПЛР-даследаванне, пры сабе неабходна мець копiю пашпарта (старонку з прапiскай i старонкi 31—33), копiю бiлета або iншага дакумента, якi пацвярджае выезд, а таксама квiтанцыю аплаты паслугi.
— Пакуль ПЛР-тэсцiраванне на вакзале даступна толькi нашым пасажырам, таму, каб скарыстацца паслугай, неабходна прад’явiць праязны дакумент, — акцэнтаваў увагу на важным нюансе Аляксандр Нiкалюк. — У перспектыве, калi загрузка лабараторыi будзе дазваляць, мы разглядаем магчымасць прымаць усiх жадаючых.
Лабараторыя будзе працаваць з панядзелка па пятнiцу з 09:00 да 18:00, а ў суботу — з 09:00 да 12:00. У буднi — тэхнiчны перапынак з 12:00 да 13:00. Выдаваць вынiкi будуць на наступны дзень пасля забору матэрыялу з 09:00 да 11:00. Вынiкi за суботу будуць выдавацца ў той жа дзень з 16:00 да 17:00.
— Не выключана, што ў будучым пералiк паслуг лабараторыi на вакзале можа пашырыцца, у прыватнасцi дадасца магчымасць зрабiць тэст на антыген, — адзначыла напрыканцы Наталля Леўшына. — Будзем манiторыць сiтуацыю, адсочваць запатрабаванасць паслугi i пры неабход-насцi карэкцiраваць нашу працу.
gorbatenko@sb.by
