Святлана Варабей — удзельнiца калектыву «Ясачка», што пры Беларускiм гандлёва-эканамiчным унiверсiтэце спажывецкай кааперацыi.
У ансамблi яна ўсяго два гады, хаця агульны яе танцавальны стаж можна адлiчваць з чацвёртага класа, калi пачала наведваць гурток у школе.
Раней Святлана захаплялася яшчэ спевамi i плаваннем, але зараз на гэта не хапае часу.
Дзяўчына — будучы эканамiст, унiкае ў тонкасцi кiравання знешнеэканамiчнай дзейнасцю. Паступаць ва унiверсiтэт прыехала з суседняй Рэчыцы i плануе вярнуцца назад квалiфiкаваным спецыялiстам.
Далёка ў будучыню Святлана пакуль не заглядвае. Лiчыць, што галоўная задача яе зараз — закончыць унiверсiтэт, стаць дыпламаваным спецыялiстам i сапраўдным прафесiяналам.
Фота: Валерый ХАРЧАНКА
