Вышыванкі засведчаць
24.04.2014 11:42:00
На пасяджэнні Вялікай Рады беларускай суполкі ў Іркуцку ўзнікла цікавая ініцыятыва
Прайшло пасяджэнне Вялікай Рады Іркуцкага таварыства беларускай культуры імя Яна Чэрскага. Выступоўцы аналізавалі працу ІТБК, абмяркоўвалі праекты, выказвалі прапановы. Напрыклад, віталася ініцыятыва членаў суполкі: фатаграфавацца ў пашпарт ці на пасведчанне кіроўцы ў нацыянальнай беларускай кашулі-вышыванцы. Чаму ўзнікла ідэя? Бо цяпер у расійскім пашпарце нацыянальнасць грамадзяніна не пішацца, а нам хочацца сведчыць сваю беларускасць.
Вялікая Рада збіраецца раз на год, каб падвесці вынікі працы і скаардынаваць планы. Уваходзяць у склад ВР абраныя на з’ездзе члены абласной рады і старшыні аддзяленняў ІТБК. Пасля 10-га з’езду таварыства з красавіка 2013-га старшынёй абрана Алёна Сіпакова: яна і трымала справаздачу. У бюлетэні “Маланка” змешчаны і артыкул Алёны пра падзеі ІТБК ў 2013 годзе. Алёна шануе старыя напрацоўкі таварыства, развівае новыя кірункі дзейнасці. Традыцыйны абласны фестваль “Гучы, гоман Беларускі!” пройдзе 31 траўня. Ёсць і рашэнне: правесці на Байкале 5-10 жніўня Фестываль беларусаў свету.
Алег Рудакоў, г. Іркуцк
Прайшло пасяджэнне Вялікай Рады Іркуцкага таварыства беларускай культуры імя Яна Чэрскага. Выступоўцы аналізавалі працу ІТБК, абмяркоўвалі праекты, выказвалі прапановы. Напрыклад, віталася ініцыятыва членаў суполкі: фатаграфавацца ў пашпарт ці на пасведчанне кіроўцы ў нацыянальнай беларускай кашулі-вышыванцы. Чаму ўзнікла ідэя? Бо цяпер у расійскім пашпарце нацыянальнасць грамадзяніна не пішацца, а нам хочацца сведчыць сваю беларускасць.
Вялікая Рада збіраецца раз на год, каб падвесці вынікі працы і скаардынаваць планы. Уваходзяць у склад ВР абраныя на з’ездзе члены абласной рады і старшыні аддзяленняў ІТБК. Пасля 10-га з’езду таварыства з красавіка 2013-га старшынёй абрана Алёна Сіпакова: яна і трымала справаздачу. У бюлетэні “Маланка” змешчаны і артыкул Алёны пра падзеі ІТБК ў 2013 годзе. Алёна шануе старыя напрацоўкі таварыства, развівае новыя кірункі дзейнасці. Традыцыйны абласны фестваль “Гучы, гоман Беларускі!” пройдзе 31 траўня. Ёсць і рашэнне: правесці на Байкале 5-10 жніўня Фестываль беларусаў свету.
Алег Рудакоў, г. Іркуцк