У Брэсце напрыканцы 2015 года з’явіцца хоспіс для анкахворых.
Яго плануюць адкрыць у адным з кварталаў прыватнай забудовы ў рэканструяваным будынку дзіцячага садка. Хоспіс будзе разлічаны на тых анкалагічна хворых, хто знаходзіцца на апошняй стадыі хваробы і каму патрабуецца медыцынская, сацыяльная і псіхалагічная дапамога. У сценах установы змогуць размясціцца 30 чалавек, у тым ліку 3 ложкі разлічаны на дзяцей.
