На Талачынскім кансервавым заводзе адкрываюць новы цэх.
Шмат гадоў прадпрыемства працавала над стварэннем уласнага ягадніку, тэрыторыя якога зараз займае звыш 550 гектараў. Штогод тут збіраюць прыблізна дзве тысячы тон ураджаю. А таму вырашылі стварыць уласны сокавы цэх. Мяркуецца, што ў год тут будуць выпускаць каля шасці мільёнаў літраў натуральнай экалагічна чыстай прадукцыі.
Цікава, што, акрамя пладовых і ягадных сокаў, талачынцы хочуць выпускаць і сокі з агародніны — морквы, капусты і другіх культур. Італьянскае абсталяванне пастаўлена ўжо на прадпрыемства. А першую партыю новай прадукцыі (у перспектыве гэты від тавару зойме 30 працэнтаў ад агульнага аб’ему вытворчасці) збіраюцца выдаць ужо ў гэтым годзе.
