Відэакамера для… 7-гектарнага поля
Незвычайны праект у хуткім часе будзе ажыццёўлены на базе сельгаспрадпрыемства “Рудакова” Віцебскага раёна, аднаго з буйнейшых у нашай краіне вытворцаў агуркоў, памідораў, морквы, іншага зеляніва. Гаспадарка ўжо сёлета адгрузіла ў гандлёвую сетку каля 300 тон агуркоў і амаль 30 тон памідораў.
Але ёсць і праблемы. Няма паратунку ад зладзеяў, якія расцягваюць грамадскае дабро. Самым дзейсным сродкам супраць рабаўнікоў гаспадары агарода-гіганта вызначылі ўстаноўку відэа-
камер і ахоўнай сігналізацыі. Як кажуць у народзе, хоць дорага, ды міла...