У горадзе адбудзецца незвычайны конкурс чарнічных пірагоў. Ягаднае свята пройдзе ў раёне ўжо ў пяты раз. Як мяркуецца, агульная даўжыня прадстаўленых на ім кулінарных шэдэўраў складзе каля 200 метраў. Вось толькі ў гэтым годзе час правядзення «Полацкіх чарніц» пакуль дакладна не вядомы — дата залежыць ад зняцця забароны на наведванне лясоў. Хутчэй за ўсё, лічаць у Полацкім райвыканкаме, конкурс ягаднікаў адбудзецца ўжо ў гэтыя выхадныя.
У праграме экафэсту таксама традыцыйны конкурс па зборы чарнiц. Спаборнiцтва пройдзе на тэрыторыях Зелянкоўскага, Гомельскага, Варонiцкага, Вяр-цiнскага, Маласiтнянскага сельсаветаў з 6 гадзiн ранiцы. На ягадным свяце пройдзе i забаўляльная праграма: канцэрт, конкурсы, iнтэрактыўныя гульнi, дэгустацыi, выставы работ майстроў-рамеснiкаў. Ужо цяпер аб намеры ўдзельнiчаць заявiлi больш за 150 каманд.
ypopko@bk.ru
