МЯСЦОВЫХ людзей Ніна Мікалаеўна добра ведае — тут нарадзілася і вырасла. Пасля заканчэння школы дачка хлебаробаў засталася на радзіме. Выйшла замуж за мясцовага Алега Ільюка. Чацвёра дзяцей у іх сям’і. Старэйшыя Аксана і Дзмітрый закончылі сталічны ўніверсітэт і працуюць у Мінску. Дачка Вольга заканчвае сярэднюю школу і збіраецца вучыцца далей. Самы малодшы Андрэй – чацвёртакласнік.
Разносіць карэспандэнцыю Ніне Мікалаеўне дапамагаюць дзеці і муж-пенсіянер. Зашырцы выпісваюць розныя перыядычныя выданні. Сябруе з газетамі ветэран вайны і працы Марыя Пятралай, якая да выхаду на пенсію працавала выхавацелем дзіцячага садзіка.
“Сельскую газету” атрымліваюць спецыялісты гаспадаркі, жывёлаводы, механізатары, прадстаўнікі іншых прафесій. Былы трактарыст Фёдар Глюза і яго жонка Вольга Сцяпанаўна, якая да выхаду на пенсію працавала цялятніцай, чакаюць кожнага нумара. Даўні сябар “сяльчанкі” – кіраўнік гаспадаркі Рыгор Бабчанок. Дзясяткі падпісчыкаў газеты ў аграгарадку, і колькасць іх пастаянна расце.
Фота аўтара.
