У дзіцячай музычнай школе горада Слуцка праходзіць творчая сустрэча з нагоды юбілею сталічнай вобласці.
Такой паэтычнай назвай арганізатары — галоўнае ўпраўленне ідэалагічнай работы Мінаблвыканкама і абласная аргструктура грамадскага аб’яднання «Веды» — выказалі асноўную думку, закладзеную ў канцэпцыю мерапрыемства.
У музычнай школе будзе надзвычай мнагалюдна, туды прыедзе кіраўніцтва раёна, ветэраны вайны і працы, лепшыя працаўнікі Случчыны. Сустрэча будзе насіць патрыятычны, пазнавальны характар. Яе ўдзельнікі раскажуць навучэнцам і гасцям пра гістарычны шлях, які прайшла Міншчына, пра яе слаўныя традыцыі і дзень сённяшні. У гэтым кантэксце акцэнт будзе зроблены на Слуцкі раён, яго ролю і ўдзел у развіцці вобласці.
Паэтычнае слова, патрыятычная песня, добрая музыка стануць яркім эмацыянальным дапаўненнем. У акцыі прымуць удзел музычна-мастацкі калектыў «Веды» пад кіраўніцтвам народнага артыста Беларусі Эдуарда Зарыцкага, заслужаны артыст Беларусі Леанід Нікольскі, удзельніца фестывалю «Славянскі базар» Жанна Піваварава і іншыя выканаўцы.
Падтрымку акцыі аказваюць аддзелы адукацыі і культуры Слуцкага райвыканкама, абкам і райкам грамадскай арганізацыі «БРСМ».
