121 офицер стал выпускником факультета Генерального штаба Вооруженных Сил: мы пообщались с будущими генералами
29.06.2019 10:14:37
Илья КРАСОВСКИЙ
Учора ў Палацы Рэспублікі ў Мінску 121 афіцэр атрымаў дыплом выпускніка факультэта Генеральнага штаба Узброеных Сіл, 22 з іх узнагароджаны знакам «За выдатнае заканчэнне ваеннай навучальнай установы». Міністр абароны Андрэй Раўкоў павіншаваў афіцэраў з паспяховым заканчэннем вучобы, пажадаў ім поспехаў у ратнай працы на карысць Айчыны. Карэспандэнт «Р» пагутарыў з выпускнікамі і даведаўся, як куюцца прафесійныя ваенныя кадры нашай краіны.
Міністр абароны Андрэй Раўкоў павіншаваў афіцэраў з паспяховым заканчэннем вучобы, пажадаў ім поспехаў у ратнай працы на карысць Айчыны.
Выпускнік аператыўна-тактычнага ўзроўню падпалкоўнік Валерый Булыга паступаў на факультэт камандзірам асобнага парашутна-дэсантнага батальёна 103-й паветрана-дэсантнай брыгады ў Віцебску. Ужо тады ён прыкладна ведаў сваё будучае месца службы і пасаду: Брэст, намеснік камандзіра 38-й асобнай гвардзейскай дэсантна-штурмавой брыгады.
— Спачатку — унутраны адбор у брыгадзе, затым — у камандаванні сіл спецыяльных аперацый і галоўным аператыўным упраўленні Генеральнага штаба, і ў канцы — экзамен у Ваеннай акадэміі, — Валерый Булыга паспяхова прайшоў медыцынскую камісію, прафесійны псіхалагічны адбор, здаў фізічную падрыхтоўку, тактыку, праверку ведаў парадку эксплуатацыі, характарыстык зброі і тэхнікі нашага войска.
На факультэце не тое што на грамадзянцы: прагул пары — на ўзроўні надзвычайнага здарэння. Навучальны дзень строга па рэгламенце. Пары пачынаюцца ў 8.30, за пятнаццаць хвілін да гэтага ўсе слухачы ўжо атрымалі свае папкі, сакрэтныя чамаданчыкі, калі неабходна. Камандзіры груп праверылі асабовы склад на пастраенні. Пасля абеду — самастойная падрыхтоўка, інструктажы. Заканчэнне вучобы ў 18.00. Увесь гэты час трэба знаходзіцца на тэрыторыі факультэта.
— Ніхто не забараняе займацца і пазней, — Валерый Булыга дапазна затрымліваўся ў бібліятэцы падчас самай напружанай першай сесіі. — Спачатку было цяжка прызвычаіцца да вялікіх аб’ёмаў інфармацыі. Раней васьмі вечара не сыходзіў дадому — штудзіраваў канспекты і спецыяльную літаратуру.
Цяжка ў вучэнні — лёгка на службе. Праўда, у брыгадзе на плячах ляжыць адказнасць за падначаленых, а на факультэце слухач адказны толькі за сваю паспяховасць. Галоўная задача — вучыцца. І яна выканана, магістарская абаронена. Праўда, яе тэму мой суразмоўнік не ўдакладніў — сакрэт.
Пасля заканчэння факультэта афіцэры атрымалі кваліфікацыю магістраў у галіне кіравання.
Дома Валерыя Булыгу чакаюць цяжарная жонка і двухгадовы сын. Сям’і ваеннага пераезд у супрацьлеглы куток краіны (з Віцебска ў Брэст) не ў навіну.
— Разлука з жонкай і сынам даецца няпроста, — шчыра прызнаецца Валерый Булыга. — Вучоба ў нас шасцідзённая. Усяго суткі з блізкімі, і назад у Мінск.
Магістарская дысертацыя абаронена, дыплом на руках, але прыступаць да пераезду на новае месца жыхарства рана — Валерый Булыга разам з аднакурснікамі будзе маршыраваць у пешым разліку на парадзе ў Дзень Незалежнасці.
Наступная ступень адукацыі на факультэце Генеральнага штаба Узброеных Сіл — аператыўна-стратэгічны ўзровень. Палкоўнік Дзмітрый Бекрэнь пасля выпуску пераводзіцца са Слоніма, дзе ён займаў пасаду намесніка камандзіра асобнай механізаванай брыгады, на службу ва ўпраўленне аператыўнага камандавання ў Гродна:
— Пасля заканчэння факультэта атрымаў кваліфікацыю магістра ў галіне дзяржаўнага і ваеннага кіравання. На курсе — толькі адна група з 12 чалавек, падрыхтоўка ідзе па ўнікальнай праграме. Унікальнасць яе не столькі ў тэарэтычнай частцы, сколькі ў практыцы, падчас якой мы наведвалі ваенныя базы, арсеналы, упраўленні Генеральнага штаба, прадпрыемствы Дзяржаўнага ваенна-прамысловага камітэта, Палату прадстаўнікоў Нацыянальнага сходу. На факультэце праводзілі заняткі і перадавалі свой бясцэнны вопыт кіраўнікі ваеннай арганізацыі краіны: міністр абароны, камандуючы ўнутранымі войскамі, старшыня Дзяржаўнага пагранічнага камітэта, старшыня Дзяржаўнага ваенна-прамысловага камітэта, асабіста чыталі лекцыі практычна ўсе начальнікі ўпраўленняў Генеральнага штаба, а таксама прадстаўнікі Дэпартамента міжнароднага ваеннага супрацоўніцтва. Яны расказвалі пра сваю дзейнасць, аб мэтах і задачах.
Факультэт Генеральнага штаба — кузня ваеннай эліты, якая рыхтуе прафесійныя кадры для нашых Узброеных Сіл, а таксама іншых сілавых міністэрстваў і ведамстваў. Пра якасць падрыхтоўкі на факультэце сведчыць і высокая цікавасць да яго многіх замежных ваенных устаноў — ужо не першы год тут вучацца вайскоўцы з Казахстана, Туркменістана, Азербайджана і Узбекістана.
ikras@sb.by
Міністр абароны Андрэй Раўкоў павіншаваў афіцэраў з паспяховым заканчэннем вучобы, пажадаў ім поспехаў у ратнай працы на карысць Айчыны.
Выпускнік аператыўна-тактычнага ўзроўню падпалкоўнік Валерый Булыга паступаў на факультэт камандзірам асобнага парашутна-дэсантнага батальёна 103-й паветрана-дэсантнай брыгады ў Віцебску. Ужо тады ён прыкладна ведаў сваё будучае месца службы і пасаду: Брэст, намеснік камандзіра 38-й асобнай гвардзейскай дэсантна-штурмавой брыгады.
— Спачатку — унутраны адбор у брыгадзе, затым — у камандаванні сіл спецыяльных аперацый і галоўным аператыўным упраўленні Генеральнага штаба, і ў канцы — экзамен у Ваеннай акадэміі, — Валерый Булыга паспяхова прайшоў медыцынскую камісію, прафесійны псіхалагічны адбор, здаў фізічную падрыхтоўку, тактыку, праверку ведаў парадку эксплуатацыі, характарыстык зброі і тэхнікі нашага войска.
На факультэце не тое што на грамадзянцы: прагул пары — на ўзроўні надзвычайнага здарэння. Навучальны дзень строга па рэгламенце. Пары пачынаюцца ў 8.30, за пятнаццаць хвілін да гэтага ўсе слухачы ўжо атрымалі свае папкі, сакрэтныя чамаданчыкі, калі неабходна. Камандзіры груп праверылі асабовы склад на пастраенні. Пасля абеду — самастойная падрыхтоўка, інструктажы. Заканчэнне вучобы ў 18.00. Увесь гэты час трэба знаходзіцца на тэрыторыі факультэта.
— Ніхто не забараняе займацца і пазней, — Валерый Булыга дапазна затрымліваўся ў бібліятэцы падчас самай напружанай першай сесіі. — Спачатку было цяжка прызвычаіцца да вялікіх аб’ёмаў інфармацыі. Раней васьмі вечара не сыходзіў дадому — штудзіраваў канспекты і спецыяльную літаратуру.
Цяжка ў вучэнні — лёгка на службе. Праўда, у брыгадзе на плячах ляжыць адказнасць за падначаленых, а на факультэце слухач адказны толькі за сваю паспяховасць. Галоўная задача — вучыцца. І яна выканана, магістарская абаронена. Праўда, яе тэму мой суразмоўнік не ўдакладніў — сакрэт.
Пасля заканчэння факультэта афіцэры атрымалі кваліфікацыю магістраў у галіне кіравання.
Дома Валерыя Булыгу чакаюць цяжарная жонка і двухгадовы сын. Сям’і ваеннага пераезд у супрацьлеглы куток краіны (з Віцебска ў Брэст) не ў навіну.
— Разлука з жонкай і сынам даецца няпроста, — шчыра прызнаецца Валерый Булыга. — Вучоба ў нас шасцідзённая. Усяго суткі з блізкімі, і назад у Мінск.
Магістарская дысертацыя абаронена, дыплом на руках, але прыступаць да пераезду на новае месца жыхарства рана — Валерый Булыга разам з аднакурснікамі будзе маршыраваць у пешым разліку на парадзе ў Дзень Незалежнасці.
Наступная ступень адукацыі на факультэце Генеральнага штаба Узброеных Сіл — аператыўна-стратэгічны ўзровень. Палкоўнік Дзмітрый Бекрэнь пасля выпуску пераводзіцца са Слоніма, дзе ён займаў пасаду намесніка камандзіра асобнай механізаванай брыгады, на службу ва ўпраўленне аператыўнага камандавання ў Гродна:
— Пасля заканчэння факультэта атрымаў кваліфікацыю магістра ў галіне дзяржаўнага і ваеннага кіравання. На курсе — толькі адна група з 12 чалавек, падрыхтоўка ідзе па ўнікальнай праграме. Унікальнасць яе не столькі ў тэарэтычнай частцы, сколькі ў практыцы, падчас якой мы наведвалі ваенныя базы, арсеналы, упраўленні Генеральнага штаба, прадпрыемствы Дзяржаўнага ваенна-прамысловага камітэта, Палату прадстаўнікоў Нацыянальнага сходу. На факультэце праводзілі заняткі і перадавалі свой бясцэнны вопыт кіраўнікі ваеннай арганізацыі краіны: міністр абароны, камандуючы ўнутранымі войскамі, старшыня Дзяржаўнага пагранічнага камітэта, старшыня Дзяржаўнага ваенна-прамысловага камітэта, асабіста чыталі лекцыі практычна ўсе начальнікі ўпраўленняў Генеральнага штаба, а таксама прадстаўнікі Дэпартамента міжнароднага ваеннага супрацоўніцтва. Яны расказвалі пра сваю дзейнасць, аб мэтах і задачах.
Факультэт Генеральнага штаба — кузня ваеннай эліты, якая рыхтуе прафесійныя кадры для нашых Узброеных Сіл, а таксама іншых сілавых міністэрстваў і ведамстваў. Пра якасць падрыхтоўкі на факультэце сведчыць і высокая цікавасць да яго многіх замежных ваенных устаноў — ужо не першы год тут вучацца вайскоўцы з Казахстана, Туркменістана, Азербайджана і Узбекістана.
ikras@sb.by