У гэтыя выхадныя ў краiне пройдзе «Фэст экскурсаводаў».
У розных кутках Беларусі неабыякавыя краязнаўцы і экскурсаводы, гісторыкі і архітэктары, настаўнікі і супрацоўнікі музеяў, турфірмаў, раённых аддзелаў культуры 20—21 красавіка правядуць шэраг бясплатных экскурсій па найцікавейшых мясцінах i маршрутах.
— У межах фэста ў сталiцы за 2 дні плануецца правесцi больш за 30 экскурсій, — паведамiлi ў аргкамітэце. — Запланавана некалькі экскурсій для маленькіх дзетак, людзей з абмежаванымі магчымасцямі, на замежных мовах. Распрацаваны адмысловыя маршруты для веласіпедных экскурсій, арганізаваны гістарычныя вандроўкі па самых старых храмах.
Бясплатныя экскурсіi пройдуць у 30 беларускiх гарадах. Пазнаёмiцца са спiсам маршрутаў можна на сайце «Фэст экскурсаводаў».
