Трыумф “Забытага скарбу”
Працягвае здзiўляць сваiмi талентамi i высокiм прафесiяналiзмам калектыў беларускага тэатра “Лялькi”, якi знаходзiцца ў Вiцебску. Лета прафесiянальныя акцёры-лялечнiкi на чале з мастацкiм кiраўнiком, заслужаным дзеячам мастацтваў краiны Вiктарам Клiмчуком адзначылi атрыманне Гран-пры на IV Мiжнародным фестывалi лялечных тэатраў, якi адбыўся ва Украiне. Сапернiкамi беларускiх лялечнiкаў былi мацнейшыя акцёрскiя калектывы з Расii, Украiны i Польшчы.
Удачу “Ляльцы” з берагоў Заходняй Дзвiны прынёс спектакль “Забыты скарб” па казцы Уладзiмiра Караткевiча.
