Рэспубліканскі тэатр беларускай драматургіі прадставіў новы праект рэжысёра Валерыя Анісенкі “Чэхаў на пленэры”, які ўключае спектаклі “Чайка” і “Дзядзька Ваня”
Што адметна, пастаноўкі праходзяць у сядзібе рэжысёра ў вёсцы Хацежына, што ў Мінскім раёне. “Я хацеў бы прыўнесці сапраўднае жыццё на тэатральную сцэну. На прыродзе тэатр лепш успрымаецца чалавекам”, — растлумачыў Валерый Анісенка намер паставіць спектаклі ў незвычайных дэкарацыях.
Тэатральныя падмосткі тут замяніў вясковы дом, па-за сцэнай — лес, возера. Для плэнернага варыянта спектакля "Дзядзька Ваня” спецыяльна была напісана музыка. “Спектакль ажывае ў асяроддзі сапраўднай прыроды, набывае новыя рысы”, — лічыць рэжысёр. Валерый Анісенка і яго акцёры змайстравалі сцэну і месцы для гледачоў. Самаробныя лавачкі разлічаны на 120 чалавек, але галоўны рэжысёр і гаспадар тэатральнай сядзібы ўпэўнены, што яго дом прыме ўсіх жадаючых. Акцёры паклапаціліся і пра камфорт гасцей: для іх ёсць дажджавікі і цёплыя пледы на выпадак дажджу ці холаду.
Дарэчы, сёлета спектакль “Чайка” ў пленэрном варыянце меў вялікі поспех на міжнародным тэатральным фестывалі “Мельпамена Таўрыі” ва Украіне.
Анастасія Сярова
Тэатр пад адкрытым небам
Рэспубліканскі тэатр беларускай драматургіі прадставіў новы праект рэжысёра Валерыя Анісенкі “Чэхаў на пленэры”, які ўключае спектаклі “Чайка” і “Дзядзька Ваня”Што адметна, пастаноўкі праходзяць у сядзібе рэжысёра ў вёсцы Хацежына, што ў Мінскім раёне. “Я хацеў бы прыўнесці сапраўднае жыццё на тэатральную сцэну. На прыродзе тэатр лепш успрымаецца чалавекам”, — растлумачыў Валерый Анісенка намер паставіць спектаклі ў незвычайных дэкарацыях. Тэатральныя падмосткі тут замяніў вясковы дом, па-за сцэнай — лес, возера. Для плэнернага варыянта спектакля "Дзядзька Ваня” спецыяльна была напісана музыка.