Амаль 100 гадоў Мірскі замак захоўвае гісторыю пра Белага слана. Што гэта за гісторыя і пра якога Белага слана ідзе гаворка, можна даведацца, прайшоўшы шлях выпрабаванняў. Квэст «Белы слон» — чарговы эксклюзіўны прадукт Мірскага замка. Удзельнікаў гульні чакаюць заданні на логіку, кемлівасць, веданне гісторыі, а пераможцаў — раскрыццё незвычайнай таямніцы.
Аматары загадак і прыгод могуць прыняць удзел у квэсце ўжо заўтра, 25 красавіка. Наступная такая магчымасць з'явіцца толькі восенню. Згодна з графікам, квэст пройдзе ў гэтым годзе яшчэ 17 кастрычніка, 14 лістапада і 19 снежня.
Як паведамляе mirzamak.by, гульня адбудзецца пры наборы групы ад 5 чалавек. З мэтай мінімізацыі рызыкі распаўсюджвання інфекцыі СOVID-19 удзельнікам квэсту рэкамендуецца гуляць у медыцынскіх масках і трымаць падчас гульні дыстанцыю не менш за метр адзін ад аднаго.
mila@sb.by
