Міжкультурны лацінаамерыканска-беларускі цэнтр будзе створаны ў Мінску ўжо сёлета.
Аб гэтым паведаміў Часовы Павераны ў справах Баліварыянскай Рэспублікі Венесуэла ў Рэспубліцы Беларусь Амерыка Дыяс Нуньес, выступаючы з лекцыяй перад слухачамі і студэнтамі Акадэміі кіравання пры Прэзідэнце Беларусі.
Галоўная мэта стварэння лацінаамерыканска-беларускага цэнтра, лічыць Амерыка Дыяс Нуньес, — папулярызацыя нацыянальных культур. Напрыклад, прыхільнікі экспрэсіўнага лацінаамерыканскага танца сальса самі змогуць тут яму навучыцца. У Цэнтры плануецца стварыць бібліятэку венесуэльскіх і беларускіх кніг. Дыпламат падкрэсліў, што гэта будзе першы буйны культурны праект Беларусі і Венесуэлы, які дапаможа бліжэй пазнаёміцца з традыцыямі двух народаў.
Васіль Харытонаў
Сяброўскае прыцягненне
Міжкультурны лацінаамерыканска-беларускі цэнтр будзе створаны ў Мінску ўжо сёлета