Штогод пад пагрозай знікнення аказваюцца ўсё новыя віды раслін і жывёл. Дзяржава ў такой сітуацыі робіць усё, каб звесці гэтыя страты да мінімуму. Захаваць разнастайнасць прадстаўнікоў флоры і фаўны дазваляе граматны падыход да ўтрымання лясоў, водна-балотных угоддзяў, лугоў і іншых тэрытарыяльных аб’ектаў.
Сёння папуляцыя зуброў у Белавежскай пушчы — самая буйная ў свеце. Але пытанне захавання гэтых унікальных жывёл стаіць па-ранейшаму востра.
— Захаванне асяроддзя пражывання жывёл і раслін Беларусі вядзецца па некалькіх напрамках: аднаўленне парушаных тарфяных радовішчаў, рэалізацыя мерапрыемстваў у рамках навуковых і навукова-тэхнічных праграм, маніторынг жывёльнага свету, навуковае забеспячэнне і вядзенне кадастру жывёльнага свету, рэалізацыя шэрагу міжнародных праектаў, — патлумачыў генеральны дырэктар ДНВА «Навукова-практычны цэнтр НАН Беларусі па біярэсурсах» Аляксандр Чайкоўскі.
— Для захавання рэдкіх відаў дзікіх жывёл у краіне была створана папуляцыя шыракапальцавага рака ў возеры Асінаўскае Віцебскага раёна. Таксама шляхам рассялення створаны новыя папуляцыі чыны льналіснай у Мінску, васкавіка-адзінот-ніка ў Магілёўскай вобласці, вялікага дубовага вусача ў Гомельскай вобласці, пярловіцы тоўстай у Мінскай вобласці. Праведзена даінкубацыя аплодненай ікры кунджы звычайнай і выпуск малькоў у адкрытыя вадаёмы. На базе рэспуб-ліканскага ландшафтнага заказніка «Налібоцкі» створаны і функцыянуе гадавальнік па вытворчасці заходнееўрапейскага падвіду глушца, які ў Еўропе знаходзіцца пад пагрозай знікнення, — падзяліўся вынікамі працы кансультант аддзела біялагічнай разнастайнасці ўпраўлення біялагічнай і ландшафтнай разнастайнасці Міністэрства прыродных рэсур-саў і аховы навакольнага асяроддзя Віталь Каранчук.
grudnitskiy@sb.by