У гэтыя выхадныя католікі адзначаюць Вялікдзень

У гэтыя выхадныя католікі адзначаюць Вялікдзень. Дух свята пануе ў касцёлах: тут пачалі здзяйсняць сакральныя абрады, а ў знак перамогі жыцця над смерцю духавенства змяніла чорнае адзенне на белае. У галоўным касцёле Мінска службу пачнуць з запальвання свечкі Пасхал, ад яе агонь раздадуць усім вернікам.

Дарэчы, у дамашняй падрыхтоўцы да гэтага свята католікі мала чым адрозніваюцца ад праваслаўных. Прынята нашча з’есці асвячонае ў царкве велікоднае курынае яйка і вітаць адзін аднаго: «Хрыстос Уваскрос — Сапраўды Уваскрос!» Затое ёсць на стале характэрны для заходняй царквы сімвал — велікодны трусік. Яго, як правіла, пякуць з цеста або робяць з шакаладу.

Ладзіць святочны абед на Вялікдзень — сямейная традыцыя для мінчанкі Ганны Емяльяненка. Міндальныя пірог і кулічы гаспадыня рыхтуе кожны год. Пакуль мама пячэ прысмакі, дзве яе дачкі расфарбоўваюць велікодныя яйкі. Усю гэтую багатую ежу асвяцяць на службе. Яны праходзяць у бесперапынным рэжыме: ежу акрапляюць практычна кожныя паўгадзіны.

Ганна дзеліцца планамі: «Раніцай, вядома ж, адпраўлюся ў храм, а ўвечары ўся сям’я збярэцца за святочным сталом. Усё ж такі свята не толькі рэлігійнае, але і сямейнае».

Да Уваскрасення Хрыстова ў краіне пройдзе шэраг мерапрыемстваў. Так, у Гродне адбудзецца кірмаш «Велікодныя стравы», на якім можна будзе набыць да святочнага стала сувеніры, упрыгажэнні і кулічы. Рамеснікі Гродзеншчыны правядуць майстар-класы па роспісе яек.

Праваслаўныя ж заўтра адсвяткуюць Вербную нядзелю. Асвяціць вярбу можна ва ўсіх царквах краіны. У праваслаўных хрысціян ёсць звычай захоўваць асвячоныя галінкі вярбы на працягу ўсяго года. 

У Мінску зараз праходзіць духоўна-асветніцкая выстава «Вербны кірмаш». Наведаць майстар-класы па вырабе велікодных сувеніраў, прэзентацыі паломніцкіх маршрутаў і пачуць размовы на духоўныя тэмы можна ў Палацы мастацтваў. Большасць гарадскіх універмагаў запрашае зэканоміць на пакупках перад Вялікднем. У ГУМе і гандлёвым доме «На Нямізе» акцыю зрабілі трохдзённай: скідкі на наступным тыдні тут будуць дасягаць 17%.

Таксама ў Мінску праходзіць дабрачынная акцыя «Велікодны падарунак», якую арганізавалі валанцёры БПЦ. Прыносіць прадметы асабістай гігіены, цацкі, канцылярскія тавары і вопратку для немаёмных можна да 5 красавіка.

Крыху сапсуе святочны настрой надвор’е: месцамі пройдуць кароткачасовыя дождж і мокры снег, ноччу і раніцай у асобных раёнах на дарогах галалёдзіца. Ноччу тэмпература апусціцца ад нуля да мінус 5, днём — плюс 1—8 градусаў.  Вецер месцамі ўзмоцніцца парывамі да 15—18 м/с.