Беларуска-румынскія адносіны ў сферы турызму выходзяць на новы ўзровень.
Саветнік па гандлёва-эканамічных пытаннях пасольства Беларусі ў Румыніі Аляксандр Махнавет паведаміў, што сёння беларускія тураператары ўсё больш актыўна пранікаюць на румынскі рынак. Развіваюцца новыя турыстычныя маршруты як на марскіх курортах, так і на лячэбных азёрах. Пры гэтым ён адзначыў, што цяпер асноўная маса турыстаў на румынскім курорце — гэта грамадзяне Беларусі.
Румынскія турфірмы вельмі зацікаўлены ў абмене турыстамі. “Мы абмяркоўвалі гэтае пытанне з прадстаўнікамі румынскіх турыстычных агенцтваў і распрацавалі план мерапрыемстваў, які ўключае паездкі румынскіх тураператараў у Беларусь, іх азнаямленне з турыстычнымі аб’ектамі нашай краіны”, — паведаміў Аляксандр Махнавет.
Ганна Бондарава
Стасункі становяцца прывабнымі
Беларуска-румынскія адносіны ў сферы турызму выходзяць на новы ўзровень.