У Год народнага адзінства, якім аб’яўлены 2021-ы, нам, беларусам, неабходна яшчэ і яшчэ раз — і назаўсёды — далучыцца да тых вечных каштоўнасцей, што аб’ядноўваюць і загартоўваюць нацыю. Пра гэта напісаў у сваім пісьме ў рэдакцыю Канстанцін Карнялюк з Віцебска.
— У гэтыя зімовыя дні ў многіх гарадах, пасёлках і вёсках краіны праходзяць шматлікія мерапрыемствы, прысвечаныя стагоддзю з дня нараджэння любімых многімі пакаленнямі класікаў беларускай літаратуры — Івана Мележа і Івана Шамякіна. Беларускія пісьменнікі нарадзіліся з розніцай у тыдзень: Шамякін — 30 студзеня, Мележ — 8 лютага. Узгадваеш іх бессмяротныя творы — адразу цёпла становіцца на душы. З самага маленства палюбіў іх творчасць і я. І вось ужо многія гады класікі — мае выдатныя духоўныя сябры і настаўнікі. Цудоўна, што і сёння іх творы запатрабаваны чытачамі розных узростаў.
За іх радкамі бачым позірк сапраўдных мастакоў. Па іх творах вывучаем летапіс Беларусі. Яны бліскуча змаглі даследаваць нацыянальны характар. Абодва здолелі пераплавіць у вялікія творы энергію пачуцця і біццё растрывожаных сэрцаў за лёс Бацькаўшчыны, лёс беларусаў і беларусачак. Дык давайце, сябры, перачытаем творы знакамітых майстроў! Мы, іх нашчадкі, павінны ганарыцца спадчынай гэтых сыноў Айчыны, што вучаць нас не забываць свой род, зямлю і Беларусь.
Дорогие друзья! Наверняка у каждого из вас есть интересные и поучительные истории. Расскажите нам о них. Пусть ваше письмо будет вкладом в нашу общую копилку добрых советов и важных жизненных уроков. Ведь, помогая другим, мы чувствуем единение и получаем энергии еще больше. Ждем ваших писем по адресу: г. Минск, ул. Б. Хмельницкого, 10а с пометкой «Форум», а также на почтовый ящик pisma@sb.by.kuzmich@sb.by
