ДАХ жылога дома, што ў вёсцы Варняны Астравецкага раёна, не вытрымаў нагрузкі ад ляжачага на ім снегу і… праваліўся!
Усё адбылося на вуліцы Цвяточнай. Вось што расказаў сын гаспадароў — Дзмітрый:
— Дома быў толькі я адзін. Займаўся хатнімі справамі. Неўзабаве пачуў, што трашчыць угары. Выбег на вуліцу. Калі ўсё скончылася, патэлефанаваў страхоўшчыкам. У выніку здарэння былі пашкоджаны дах, перакрыццё і сцены дома.
Пацярпелыя атрымаюць кампенсацыю — добра, што іх жыллё было застрахавана. Думаецца, гэты выпадак нагадае вяскоўцам — зараз самы час падоўжыць сваё “супрацоўніцтва” са страхоўшчыкамі!
Аляксандр СЯНЮЦЬ
