Мінжылкамгас Беларусі аб’явіў конкурс праектаў па перапрацоўцы палігонаў цвёрдых камунальных адходаў.
Па ўмовах акцыі патрэбна прадставіць дакладнае апісанне прапанаванай тэхналогіі перапрацоўкі месцаў пахавання ЦКА з атрыманнем другасных рэсурсаў. Абавязкова неабходна пазначыць увесь тэхналагічны працэс, якое прымяняецца абсталяванне, тэхналогіі далейшага выкарыстання атрыманых прадуктаў, а таксама прывесці тэхніка-эканамічныя паказчыкі, у тым ліку прадукцыйнасць, спажыванне паліўна-энергетычных рэсурсаў, эксплуатацыйныя выдаткі, колькасць персаналу і неабходнасць стварэння дадатковай інфраструктуры.
У Міністэрстве жыллёва-камунальнай гаспадаркі патлумачылі, што палігон, пад які павінен распрацоўвацца праект, уяўляе сабой аб’ект папластавага пахавання цвёрдых бытавых адходаў, якія не сартавалi і з якіх не вымалі другасныя матэрыяльныя рэсурсы (шкло, пластык, папера, гума, металы). Аб’ём пахаваных адходаў можа складаць ад 50 тысяч да 5 млн. куб. м.
Матэрыялы для конкурсу неабходна накіраваць у Мінжылкамгас па пошце альбо адправіць на электронную паштовую скрынку ведамства. Таксама прапановы можна пакінуць на афіцыйным сайце міністэрства.
