У СВК «Першаі-2003» Валожынскага раёна зроблены акцэнт на самых запатрабаваных накірунках — вытворчасці мяса буйной рагатай жывёлы, свініны і малака з поўным цыклам перапрацоўкі мяса.
У гаспадарцы ўтрымліваецца 562 галавы мясной жывёлы, а таксама ўдасканальваецца і нарошчваецца малочная вытворчасць. За 10 месяцаў 2012 года надоена 5747 тон малака, прыбаўленне жывёлы ў вазе склала 429 тон. Міні-цэх па вытворчасці каўбасных вырабаў выдае да 1,2 тоны прадукцыі за суткі. За 10 месяцаў перапрацоўка мяса і вытворчасць каўбас далі гаспадарцы 200 мільёнаў рублёў дадатковага прыбытку.
На здымку: цэх перапрацоўкі мяса СВК «Першаі-2003». Аператар Юзэфа ЖАМОЗДЗІК і майстар-тэхнолаг Анжэла САЕВІЧ.
Фота: БЕЛТА
