На свяце чакаецца каля 30 тысяч гасцей. Фестываль аб’яднае жыхароў Палесся Беларусі, Расіі і Украіны, прыбудуць таксама госці з Польшчы, Латвіі і іншых краін. Самае каларытнае на свяце — тэматычныя падворкі прадстаўнікоў Прыпяцкага рэгіёна (васьмі раёнаў Гомельскай і трох раёнаў Брэсцкай абласцей), дзе будуць прэзентаваны кухня, традыцыі, абрады палескіх паселішчаў. Гасцей фестывалю абавязкова запросяць на дэгустацыю страў па старадаўніх рэцэптах, марафон “Танчым па-даўнейшаму”, конкурс “Палеская прыгажуня”. Запланаваны паказальныя рыцарскія турніры, выступленні парашутыстаў і наезнікаў. Адбудуцца батлеечныя паказы і майстар-класы па вырабе лялек. Пляцоўка “Кіно на траве” запросіць на прагляд стужак пра Палессе.
mila@sb.by
